L'amure canta

L’amure canta

   Quannu l’amure canta a mmenza vuce,

 ‘U munnu sanu tuttu quantu tace;

‘U sule, ppe’ ra gioia, cchiù stralluce;

‘A luna guarda, ride e sse cumpiace.

       Visca ru vientu ‘na canzuna duce

Chi scìnnedi’ a ru core e lle dà ppace;

Ogne stilla se ferma e ffà cchiù lluce,

Tuttu nne ride ed ogne ccosa piace.

   I munti paru mmiegliu culurati

Pare cchiù ggranne e cchiù tturchinu ‘u mare,

Cchiù jjanca a nive e cchiù jjuruti i prati.

    Amure chi miraculi sai fare.

Canta, cà quanti ‘n terra cce su’ ‘nnati,

Tutti te vuolu ssèntere cantare!