'a licerta e ru grillu - La lucertola e il grillo

‘A licerta e ru griIlu

—‘A licerta — na pàpara dicìa

—Cchi ffà quannu camina?

Taglia ddiritta ‘a via

Ppemm‘abbicìna..

‘U grillu chi va ssempre, cumu sai,

De ccà e dde llà satannu,

Arriva a qquannu a qquannu

O ‘nud’arriva mmaì. —

-  Tu cchi mme stai a ccuntare -

Le dìssedi ‘na gatta,

-‘A via diritta è ffatta

Mmece pped’allongare! -

Fiera del libro calabrese

‘U grillu criticu

‘U grillu criticu

‘Na ciuccia ‘nnamurata

Se fice ‘nna ragliata.

-Canta - disse ‘nnu grillu

-Chi pare ‘nnu cardillu! -

Cantàu ppue ‘nnu cardillu

De supra ‘nu ristucciu.

- Raglia ccumu ‘nu ciucciu! –

Disse ru stessu grillu.

‘U tamarru e l’apuni

‘U tamarru e l’apuni

‘Nu tamarru, paglia e ffuma,

 S’era mmisu ppemmu asciuma 

Pparu paru,

‘N’apunaru,

Chi, ‘ngrubbatu a ‘nna sulagna

Vecchia tana de castagna,

‘U’ lle dava, ppovaracciu,

 Nullu ‘mpacciu.

-Ppe’ ppiatà, nu’ nn’asciumare!

Le dicìu ru cchiùd’anzianu.

- Si ‘sta paglia hai de vrusciare,

Vrusciatìla cchiù lluntanu,

Cà, sinnoni, a ‘stu cupune,

Nun cce resta cchiù ‘nn‘apune –

Ma, tamarru, paglia e ffuma,

ChiIlu parra ed illu asciuma!

Fiera del libro calabrese

Il giorno 30 ottobre 2010 alle ore 18,30 presso la libreria Biblos di Lamezia Terme (via L. da Vinci, 2),  nel corso della manifestazione della Fiera del libro calabrese che si svolgerà dal 28 ottobre al 1 novembre, la scrittrice Vittoria Butera presenterà il libro di Vittorio Butera : Lettere in prosa e in versi.

Il centro Studi Butera sarà presente alla manifestazione  con le proprie pubblicazioni.

'A fuina bbona

‘A fuina bbona

Doppu chi ‘na fuina

S’avìadi allupillatu’ ‘na gallina,

 Affrunta ‘nna millarda

 E ‘nnu ra mancu guarda.

-Cumu s’è ffatta bbona! -

Dice ru tapinaru, de ‘na grutta.

-Te spagli! - le rispunne ra jilona

-E’ bbona ch’èdi abbutta! –

'u cardillu e ru gattu -l'usignolo e il gatto

‘U cardillu e ru gattu

‘Nu gattu mustazzutu
Ha ddittu a ‘nnu cardillu spinturatu:
- Chillu chi t’ha ttinutu,
Tant’anni carciratu,
Stu munnu hadi lassatu
ed a ri Campilisi si nn‘è jutu.
Cumu miegliu ha bbulutu
T’hadi mintutu ‘n cruce:
Ma mo chi puru ccà,
De nuovu torn’è lluce
‘Nna spera ‘e libirtà,
Ppecchì tte riesti ancore
Intra ‘ssa caggia ? Vieni niesci fore...
Tuni chi ppe’ ttant’anni
De l’amare catine
Hai suppurtatu i danni,
Mo ch’è bbinutu ‘n fine
‘U regnu de l’affanni,
È ggiustu ppemmu tutti
Te gùodi de ssa morte
I meritati frutti.
Niesci, cumpagnu. Iu te spalancu ‘e porte
De ‘ssa pardiu de caggia:
Ccussì dde mo ‘nn ‘avanti,
D’amure ‘nno dde raggia
‘Na canzuna, me canti…
Nne vûe sintire una? –
Rispunnìu ru cardillu.
-Tuni si’ ppieju ‘e chillu!
E, ccu ‘ssa malanova de pitittu
Chi tieni, cumu niesciu,’ sugnu frittu!
Pperciò làssame stare...
Tantu, a ra frusta ‘u callu cce haju fattu
Ed è mmiegliu a ‘nnu carciru ristare
Ca finire a ra panza de ‘nu gattu! -