Chi sa si Ddo Rriccardu s’è spusatu?
U luni ‘u’ ss’era ancora dicidutu;
Ma disse ch ‘a ra porta ‘e nu curatu
Avera ppe ru sabbatu vattutu.
Capisciu ch ‘è nnu passu dispiratu
E cce vo’ ccientu vote rifrittutu;
Ma unu chi tant’anni cce ha ppinzatu
‘U sse dicide alI’urtimu minutu.
Ed eccute ca sabbatu è bbinutu
E nnullu sa si ancore l’Avvucatu
A cchira porta cce hadi o no vattutu.
Iu dicu deccussì: si s’è spusatu
Mu fa ccinquanta masculi a mminutu;
Si nnò va ppe’ d’aguriu anticipatu.
sabato 28 gennaio 2012
giovedì 19 gennaio 2012
Cuncurrenza
Vidiennu a ‘nna dispensa
‘Na suriciara armata,
-‘Sta machina me fa cuncurrenza! —
Disse ‘nna gatta, ann‘angulu appustata!
‘Na suriciara armata,
-‘Sta machina me fa cuncurrenza! —
Disse ‘nna gatta, ann‘angulu appustata!
giovedì 12 gennaio 2012
Capituosti
—Si nu’ ra pienzi ccu ra capu mia
‘A missa me custrinci a tte cacciare —
Bbonsignure a ‘nnu paracu dicia.
- Cacciame tuttu chillu chi te pare! —
‘U malu capitatu rispunnìa, —
Ma ccu ra capu mia famme pinzare!
‘A missa me custrinci a tte cacciare —
Bbonsignure a ‘nnu paracu dicia.
- Cacciame tuttu chillu chi te pare! —
‘U malu capitatu rispunnìa, —
Ma ccu ra capu mia famme pinzare!
lunedì 2 gennaio 2012
Pinne mastre
Cugnume e nnume, Pane ddo’ Mmichele
Te dìcenu chin‘è ‘ssu cristianu:
‘Nu bbuonu, cum’è bbuonu ‘u pane ‘e granu;
‘Nu giustu, cum’è giustu Sammichele.
S’è bberu ca ‘nu juornu azàu re vele
Ppe’ ssi nne jire ‘e nue tantu luntanu,
Ligatu a ffilu duppiu a ru nustranu
Lassau ru core chi ‘un canusce ffele.
I cientu canti dduve ha mmisu manu,
Pàrenu scritti ccu ru miegliu mele
De tutti quanti i juri de Rumanu.
Vòlanu ‘n cielu, suli, senza vele,
Te trasenu a ru core chianu chianu.
Ah, ss’avèra ra pinna ‘e Ddo’ Mmichele!
Iscriviti a:
Post (Atom)