Perdugnu

 A Peppinu Casalinuovu

   Vuliti pirdunatu e bbe pirdugnu;

 Ma 'u' mme chiamati frate!

 A mmaleppena 'nu picuozzu sugnu

Mentre vue siti 'nu guardianu... patre.

7 settembre 1935

Spegate

   Pippì, si nu' mme  dici cumu e quantu

'Un te capisciu supra nullu puntu.

  Cchi cc'intradi ccu mie Ddon Carru quintu

 Si 'ud'amu avuti mai nisciunu accuntu?

se vide ca 'u' sai cchiù  cumu me chiamu

E mme cumpunni ccu Franciscu Primu.

- Gnornozignore! - Allura  cc'è 'nnu spagliu

-Gnorzisignore. - Allura tantu miegliu!

 E bbide mu se fà ppuru capace

L'amicu caru nuostru Ddo' Lluice.

29 agosto 1935

Pippì: Peppino Casalinuovo

Luice: Luigi De Franco

Zampugne scasciate

 Al Comm. Michele Galatà

Cch'è ssucciessu? Te mannu ogne ssimana

Mo   'na littira e mmo' na  cartulina,

E ttu, fattu cchiù ssurdu 'e 'na campana, 

Te bbuzzari de Peppe e de Rusina!

Mo ccu  ddui vierzi e mo ccu 'nna quartina,

'A musa mia fin'a ssu Ruma 'nchiana;

Ma tu, pecchì è  bbistuta de pacchiana, 

'A tratti cumu l'urtima mappina!

 Capisciu: 'na zampugna paisana

Ppecchì nnud'ha ru suonu 'e l'ocarina,

Ha d'essere mintuta 'n quarantana.

 Ma nu' me pare giustu, pardiana,

Mu mentre 'u core miu ti s'abbicina,

'U tue de  'ssa manèra s'alluntana.

   21 settembre 1939

A mia nipote Sara. Venezia

  A mia nipote Sara

 Che tante lingue impara,

Questo modesto saggio

 Di  canti conflentari

offro perché del pari

il nobile linguaggio

 Della mia terra impari.

2 gennaio 1947

Omissioni.

 

Signale e postu pigliatu.

 

Vermi all'assalto.

 

Civirtà

 Civirtà

                                                               Al Prof. G. Battista Caruso

Me  'mparau 'nnu prufissure

Ca nnu populu è ccivile

Quannu renne giustu unure

A  ra gente chi 'ud'è bbile.

 Ma si  ad ogni ppillizzune

Arde 'ncienzu ogne minutu

È 'nnu populu cazzune

Ccu ri piedi a ru tavutu.

Ccà ra gente, a mille a mille,

De Vitale ppe' ru vinu

 Nesce pazza ed a re stille

L'auza sempre a jjascu chjnu.

Ppemu vidi ch'è ccivile

Catanzaro e  nno... rricchiune

 Ti nne mannu  ppe campiune

Fin'a  Rruma, 'nu varrile

14 luglio 1915

seduta consiliare2

 

Aragno

Culunné, torna

                                                                                           Al Colonnello Italico  Alterocca



  De quannu, Culunné, ti nne si' jutu,
I juorni unu pped'unu haiu cuntatu;
Ma l'annu de cuncedu si nn'è jjutu
E ancora a Catanzaru 'u ' ssi' turnatu!

 Eppuru m'avie 'n fide purmintutu
Ch'abbasta mu te fore abbicinatu
A 'sta terra ch'amata, ha sempre amatu,
Te fore d'ogni ccosa strafijutu!

 Guarda ca 'nzo cchi ddice 'nu surdatu
Ha dd'essere, ppe' juda, mantinutu
A ccuostu mu s'abbissa ru criatu.

'Un criju ca 'stu munnu sciliratu
Ppe' nnu' bbidire sanu distriggiutu
Vue mancare a  ra fide ch'hai juratu!


 26 giugno 38

Luttu.

De quannu, Putistà, te si' mintutu
A sciullare 'ssu poveru triatu,
A Ccatanzaru 'u chjantu èdi scinnutu
A llavina ed a mmare èdi arrivatu.

Pippinu 'u' sse ssa quantu nn'ha jjittatu,
'Nu guttaru virniticu è pparutu!
Ddon  Giuanni, povariellu, nn'ha cianciutu
Cumu 'nu vitilluzzu abbannunatu.


Tutti quanti hau ddiciutu: - Cchi ppiccatu!
Ppeed'ogne ssavurella ch'ha scusutu,
Don Faustu ha distriggiutu 'nu  passatu. -


E ppe' 'nnu parcuscenicu sciullatu,
Catanzaru de luttu s'è  bbistutu...
Mancu si fora ru San Carru statu!


30 maggio 1938

Caifassu

-'U' ssai nente, cumpa? Cch'è  succidutu?
-' A tessara  a Ccafassi hau ritiratu...

- Daveru? Tu cchi ddici? E ccumu è jjutu?

- E' jjutu ch'a ra fine l'hau fricatu!...

- Ssu fissa! 'e  quannu l'uocchj ha rapirutu.

Malu parrante e ffuorficiaru è statu; 

Pped'ogned'unu hadi vilenu avutu;

Ma, finarmente, 'u fasciu l'ha spasciatu!

'Mparu ppe' Catanzaru s'è ssaputu

ch'a carte quarant'uottu l'hau mannatu,

'Ncielu  'nu coru 'e vuci edi sagliutu.

Quarantamila vucche hanu gridatu:

Ebbiva a Ppasqualuzzu ch'ha ssaputu

Muzzare 'a lingua a 'ssu serpente natu?-

29 agosto 38

Affitti.

Zerti ciutali hau dittu

Ca t'hau de cca cacciatu

Pecchì 'ud'avie pagatu

A tant'anni l'affittu.

-  Ma che! Si ppe' ' ssu fattu

Cacciatu unu vinèra,

Pignuramentu  e sprattu

A Ccatanzaru  chine ce ristera?-

24 gennaio 34

Invito.

Per questa sera
Serata nera
Carlo Butera
Darà lettura
D'un poemetto
Sull'apertura
Del noto Stretto 
Americano
Di Magellano.


 Ottobre 1921

Figaro.

Figaro.


Di fronte alla scaletta
Del chimico Leone
S'ammira un bel salone
Un'elegante sala da Toeletta.

Precisamente è sita
Tra Papaleo e Basta
Se non è molto vasta
E' civettuola, comoda e pulita.

Col magistero varo
D'una leggera mano
Là rade il pel Celano
Il Figaro migliore di Catanzaro.

Color che più l'intento
spinge di farsi belli
Di barba e di capelli
Si servan da quel giovane portento.


 Gennaio '21

La settimana del prefetto Renda.

Saluti.

 La mandra a testa bassa
Lungh'esso il corso passa.

  A 'nn'angulu   'mpalatu
Cce sta nu niuru cane 
Chi vorra ssalutatu 
Ppecchì lle duna...ppane.

  ' U muntune le fa 'nna rivirenza 
'E piecurelle puru;
Ma pue: -Nullu te penza -
Dicenu - sta sicuru -

     Oje te salutamu;
Ma, si vo'  Ddiu, demane,
Si' cane e tte chiamamu 
Tricientu vote cane!

                                         5 novembre 1934

' A bumma

'Nu 'grise vilacchiune e scilliratu
De notte a Catanzaru era scinnutu,
Ed a ru ponte nuostru cchiù pprigiatu
'Na bumma cantarigna avia mintutu.

 'U ponte chi passare avìa bbidutu
Chjne arrummanti e nnud'avìa ttrimatu 
Ppe' bia de chiru gliommaru grattatu
Stava ppe' dire a ttutti: ve salutu! 

Ma nu surdatu nuostru, pizzitanu,
vidiennu, a pprim'arbure, 'na matina,
Pinnire chira bumma de luntanu,

De curza li se junna... S'abbicina...
Acchiappa ru curtiellu ccu 'nna manu
E, ttunnizza, le strunca ra miccina!

Se scigula...

Cicciu Gianani ogne matina passa
'su corzu corzu ccu 'nna pilirussa.
Cicciu fatiga ppe' un pagare tassa !