Canti

Sintìennume cantare ‘ssa vavìa
Tu certu m’hai de cridere cuntientu.
Ah, si sapissi ‘n core cchi mme sientu!
Cchi ppiernu cce haju e cchi mmalincunìa!
    ‘U’ ssu’ ccanzune, no, chille chi cantu
‘A notte e cchi tu sienti.
Sunu suspiri amari, su’ lamienti.
Sunu vunni de chiantu.


   Spalanca tutti quanti ‘ssi barcuni
Cà ‘na sirata guala nu’ sse trova!
Stasira cantu ‘na canzuna nova
Ppemmu t’affacci e mmu me sienti tuni.
   Cantu? Te pare ccantu ‘stu languru
Chi ‘a catarra accumpagna
E’ ru sugliuttu’ de ‘stu core scuru
Chi lacrìma e sse lagna.
   O vientu, piglia ‘ste parole amare
‘Sti suspiri, ‘ste lacrime, ‘sti vasi.
Pue. ppe’ ‘nna ‘ngaglìa’ de finestra, trasi
Ed a re ricchie sue vall’a ppurtare.
   Dìcele:‘u’ ssu’ ccanzune
Chisse chi tuni sienti.
Sunu suspiri, spasimi. turmienti
D’unu chi ciance ssutta ‘nu barcune!