A palla e ru casciune

‘A palla e ru casciune



‘Na palla tunna tunna a ‘nnu casciune

Disse:- Cchi tti nne fai

De ‘ssu siettu chi cce hai?

-Nne fazzu ca me serve dde firmizza;

Fina ch‘ad’illu cce haju

Piriculu nun c’è nnè ppemmu caju

nnè ppemmu pigliu ‘ncun‘arruozzulune.

Mu l’avèranu tutti ‘ss’accurtizza!

-Viramente hai raggiune; ma te pare

Ca chissa è bbita? Iu mancu ‘nu minutu

De ‘ssa manèra vòrradi campare.

‘U’ ru vidi ca pari ‘nu tavutu?’

- Chilu chi paru paru,

Iu puocu mi nne curu;

L‘assinziale è ppemmu staju ‘mparu

E mmu campu sicuru.

-Ma santa sicurizza!

Stare sempre a ‘nna bbanna,

Mentre ogne ccosa anna,

‘Un te pare ch‘è ppropriu ‘na tristizza?

A ‘nn‘astracu jittata,

Ccu ri spalli a ‘nnu muru,

Iu nun ce stèra mmancu palijata,

Te l’assicuru.

Rullare, caminare

Ogne jjuornu cchiù llesta;

Chissa è ra vita chi me piace ffare

Ppe’ tutta quanta a vita chi me resta!

-E ssi... - Si scìgulu

‘Ntramente ruollu?

Salute a Jjapicu,

Me rumpu ‘u cuollu! -



Dimme tu, chin‘ha rraggiune?

Donna palla o Ddon casciune?



Glossario:
casciune : una grande cassa o cassapanca
Tunna : rotonda
siettu: fondo
bita:vita
tavutu: bara
stare 'mparu: stare bene
anna: va
astracu: pavimento
palijata: presa a botte
scigulu: scivolo
llesta:veloce