Tutti Guali

Tutti guali


‘E pàmpine de rosa
E cchille de cardune
Sunu, ppe’ ru zifune,
Tutte ‘na stessa cosa.

Cumporma se scatina
‘E scippa gguale guale;
Ccussì cchille ‘e curina,
Ccussì cchille ‘e pidale.

‘E bbola a ccientu a ccientu,
Cumu pinne d’aggiellu;
De tutte ‘nu muzziellu
Nne fadi a ‘nnu stravientu.

E llà cce joca ‘ntuornu,
Jujjannu e ‘nu spuntune.
Senza se ‘ncarricare
E ssenza addimannare
Si fòzeru ‘nnu juornu
De rosa o de cardune.