‘U muccaturu’ e ra sacca

‘U muccaturu’ e ra sacca

  ‘A sacca de ‘na giacca,

 Vidìennu ‘u muccaturu

‘Ntuornu listatu scuru,

 Addimannàu: - Ppecchì

 Si’ ttinciutu ccussì?

- Ma cumu? Viramente

‘U nn’hai saputu nente?

A ru patrune mmiu

L‘è mmuortu, chiru ziu

Chi l’ha llassatu tuttu,

 E mmo, dìcica, ‘u luttu

L’haju ‘e purtare iu! -

  

Glossario

muccaturu: fazzoletto
sacca: tasca
Addimmanau : domandò
l'haju e ... : devo

 

A vampa e ra fuma

A vampa e ra fuma

        Quannu ppe’ ru nnianu pustirìu,

’ Frascantoni vrusciau ra ristucciata,  

‘Na chiara vamparata

A ru cìelu saglìu.

     ‘A notte, a cchira luce, se schiarìu

 Ttricientu lighe ‘ntuornu;

‘U vuoscu nne lucìu

Cumu s’era dde juornu.

   Ma doppu ‘n‘ugna, nìura cumu pice,

‘Na granne fumarata se livàu;

Pocu però ssu trùvulu duràu

Ca ‘a vamparata cchiù chiara se fice.

‘A mmidia, ppe, ru ‘ncegnu chi stralluce,

E’ ccumu ‘a fuma niura ppe’ ra luce.

Glossario:
vampa : fiamma
fuma: fumo
nnianu : grano
vrusciau : bruciò
pustiriu; tardivo
'ncegnu : ingegno
dopu n'ugna : dopo un po'

A gallina e ra fuina

‘A gallina e ra fuina

     ‘Ntramente ‘na fuìna

 Scippava, ad una ad una,

Senza piatà nisciuna,

‘E pinne a ‘nna gallina,

     -Vile! - dicìa ccu stizza,

L‘affritta e ccu rraggiune -

Mo chi ‘un c’è ru patrune,

Fai tutta ‘ssa prudizza!

     Aspetta ppemu vène

cà doppu nne parramu!

‘A pella te scippamu,

Ppe’ ccumu se cummene!

Ma quannu Ciccu vìnne,

Ce ajjàu re sule pinne!

Intitolazione Biblioteca Liceo Scientifico E. Fermi Catanzaro

Liceo Scientifico – Via C. Pisacane c.da Giovino   Tel.  0961/737678 - 33927

Liceo Linguistico e Sociopsicopedagogico   Via Crotone Tel. 0961/31040

www.iisfermi.it

88100  Catanzaro  Lido

RICORDANDO

VITTORIO  BUTERA

Cerimonia  intitolazione  Biblioteca  Liceo  Scientifico

Via  C. Pisacane – C.da Giovino

Sabato  22 maggio 2010   -   ore  10.00

 

 Programma:

     Ore    10.00    Apertura  dei  lavori:

Prof. Raffaele  Folino    Dirigente I.I.S.  “Fermi”

     Ore    10.20     Intervento di  saluto:

Dott. Antonio Badolato  Presidente  del Consiglio d’Istituto

     Ore    10.30     Saluto  delle  Autorità:

Dott.ssa  Wanda   Ferro   Presidente Amministrazione Provinciale 
On.le  Rosario  Olivo   Sindaco  di Catanzaro

Dott.  Franco  Esposito  Sindaco  di Conflenti

Prof.  Domenico  Torchia  Coordinatore  Ispettori  U.S.R. Calabria

INAUGURAZIONE   BASSORILIEVO  POETA  VITTORIO  BUTERA

     Ore    11.00     Relatore :  Prof.  Vincenzo  Villella    Storico – Scrittore

Esemplarità  e  antagonismo

nella  poesia  di  V. Butera

Declama  le  poesie  di  V.  Butera  il Prof.   Francesco   Folino

     Ore    12.00    Interventi  programmati:

D.S.  Giuliana  Paola  Carnovale

Dott.  Giovanni  Paola

Avv.  Michele  Roperti

Dott.  Tonino  Barbato

     Ore    13.00     Conclusione  dei  lavori

Intermezzi  musicali  a cura  dei musicisti del gruppo teatrale.

                                                                  

'A cicala e ra furmica

‘A cicala e ra furmica

-Ppecchì ffatighi tantu? –
Disse ‘nna cicalella a ra furmica.
Fà cumu a mmie chi cantu! -

-E ttu, cicà, te cridi,
Ca iu vorra mmitata
Ppe’ ddire a ra fatiga mu se frica?

Ma cumu pùozzu fare,
Povara spinturata,
Si nu’ sacciu cantare? -

' A margarita e ra campa

‘A margarita e ra campa

‘Nu juornu, Donna Rita,
Ad una ad una ‘e pàmpine
Spinnava dde ‘nu jure ‘e margarita.

- M’ama?... Nu’ mm ‘ama?... M’ama! - ‘E paradisu
Li s’apirìu ra vucca a ‘nnu surrisu
E sse fice ‘nna vampa.

Ma ‘n’ammazzata e campa
Le disse: - Ve spagliati, signurina;
‘U mìeritu è ru miu chi stamatina
M’aju manciata ‘a pampina chi manca.

'U lupu e ra rana

‘u lupu e ra rana

‘Nu viecchiu piecuraru
All’umbra ‘e ‘nu pagliaru,
‘Nu muntune scannava.

‘Nu lupu chi spijava
Dde luntanu e bbidìa
Ca ‘nu cane guardava e mancu se muvìa
-Cùmu va – dimannau-- ca si ‘u patrune
Ammazza ru muntune,
‘Ssu cane ’u’ ddice nnente
E quannu ‘u scannu iu
Fà cchill’ira de Ddiu? -

‘Na rana ‘ntiligente,
Chi jia ssatarijannu intra ‘na fossa,
Le rispunnìu: -
Cà chillu le dà ll’ossa
E ttu ‘u’ lle duni nente

Glossario:
scannare:uccidere
bbidia : vedeva
ssatarijannu : saltellando
duni: dai

'A palla e ri birilli

‘A palla e ri birilli



‘Na palla de bigliardu

A ri birilli ha ddittu:

— Iu caminu dirittu

Senza nullu timure nnè rriguardu —.

E, ccumu ‘mpatti, fina chi ha ttruvatu

‘A strata liscia e cchiana,

Ha rullatu, ha rullatu

Ed è jjuta luntana.

Ma quannu, rolla rolla, s’èdi ajjata

Facce e ffrunte a ‘nnu cuozzu de listune

De furia, ‘na capata

L’ha ddata de muntune.

E ttale fo’ ll’urtune

Ch‘arrieti èdi turnata

Ccu ttantu n‘ujjazzune

A ra capu pilata...

‘Nu birillu l’ha ddittu.

— Madonna! E ccumu mai?

Ccussì mmarci dirittu?

Ccussì ttrimare a ttutti quanti fai?

Ma allura eranu ttutte fissarie

Chire spaparanzate chi facìe? —

— Ppecchì? Sicunnu ttie

Iu tuornu cà turnare m’ha ffaciutu

‘Ssu scuogliu dduve ‘a capu haju vattutu?

Chiacchiere, amicu! Chiacchiere! Ciutìe!

Iu tuornu ca turnare haju vulutu —



Glossario:
ajjata : trovata
Pilata : calva
Ciutie : stupidaggini

Vola! Vola! Vola!

Vola! Vola! Vola!

 L ‘aggìellu  ampra re pinne

E ‘nchìana e ‘nchiana e ‘nchiana...

 - Mu ‘nchiana! - fà ra rana

Doppu ‘nchianatu, scinne!


 Glossario:


ampra: apre
'nchiana : sale
scinne: scende

 

Trasferimento del monumento a Francesco Stocco a Catanzaro

Preghiera
(Parla Stocco)


 - Ràgame dduve vue; nu' mmi nne 'mporta!
Sugnu  'na cosa morta!
 Ma se debbo passare all'Osservanza
Questo resto di morte che mi avanza,
te circu, 'na grazzia, 'nu piacire sulu;
O anima cortese:
Vòtame ccu ru culu
A ra casa Pugliese

13 novembre 1933

glossario:
ràgame: portami