Mulitura

Finu chi sugnu iutu a ru mulinu
de donnu Janni a macinare granu,
patrune e mmulinaru, sanu sanu
m'hau dde saluti e ccivilizze chjnu.

Quannu m'hau capitatu de vicinu
m'hanu vasatu ccu rispettu  'a manu
m'hanu mannatu ppe' Natale 'u vinu
e ppe'ra Pasqua 'nu crapiettu sanu.

‘A Strina

Vilìja ‘na varchetta mmìenzu mare,

chi mu ve po’ za Santa ‘mprosparare.

Viju ca vene cca ccu ccìantu vele

de mastazzola càrrica e dde mele.

A ra patruna de ‘ssa casa bbella

ricchjni porta, spingule ed anella,

ed a ra figlia de cummari Nnciuànna

de perle ognuna tanta ‘na succànna.

A Giustizzia

'A giustizzia è 'nna vilanza
fatta apposta ppe' pisare
de l'affritti ogne  mancanza,
nu castiju ppe' lle dare.

Galliggianti

N'aranciu, ccussì bboze ru destinu
cattedi a mmare e sse truvau bbicinu
a nnu' bbe dicu quanti
trunzi...ccu ll'esse davanti

_Bonu venutu! ebbiva!
Gridau ra comitiva.
- A ra furma e a r'adduru
se vide chiaramente
ca tu nne si' parente...


Se capisce! sicuru!
disse chiru 'mpilice.
Ma iu sugnu nisciutu de' na zagara
e vue de chira banna chi 'un sse dice!

Poesia e Musica a Rogliano

Il grillo critico

Omaggio dell'artista Francesco Antonio Caporale a Vittorio Butera


"Libro d'artista@Libri di Testa"con "Il Grillo critico" di Vittorio Butera.
il grillo critico,di Vittorio Butera -smalti acrilico collage legno carta applicata su multistrato -cm. 56x63x12 anno 2012

‘U grillu criticu

‘Na ciuccia ‘nnamurata

Se fice ‘nna ragliata.

-Canta - disse ‘nnu grillu

-Chi pare ‘nnu cardillu! -

Cantàu ppue ‘nnu cardillu

De supra ‘nu ristucciu.

- Raglia ccumu ‘nu ciucciu! –

Disse ru stessu grillu.

 

Convegno: la valle del Savuto

Vittoria Butera parlerà di:

la poesia di  V. Butera come documento antropologico della sua epoca

Compere

Togliendo dalla borsa il librettino
da un endice di seta attraversato
vediamo - disse - cosa vuol comprato
quest'oggi Giovannino.
Lo debbo aver segnato
in questo mio tacchino!

Consigli

Che debbo fare - chiese Mussolini
per aumentare la vendita
in Italia, dei vini?
Annunzia la tua fine...
gli disse un competente,
immediatamente
si svuoteranno tutte le cantine!

Consigli

Signora -le diceva una ragazza
io per Giuseppe Verde vado pazza.

E tu -rispose lei - s'è un buon partito
Perché non te lo pigli per marito.
   
                     Vittorio Butera

Omaggio a V. Butera

Cosenza, 5  novembre 2012

Medicina

Il medico s'è tanto affezionato
alle persone della mia famiglia
che, per tre dì, quando infermò mia figlia,
le rimase al capezzolo attaccato!

Premio Butera

Concorso Regionale Vittorio Butera

Premiazione dei vincitori a Motta Santa Lucia: Ciccio De Rose, Giacomo Guglielmelli e Luisella Stranges.

A vigna

OMAGGIO A VITTORIO BUTERA

Premio

Vuci - Voci

- si 'e vuci  chi camminanu su' bbere.
ha ddittu 'nu maritu a ru mugliere
i ciervi tutti quanti
vienu dde mo' nn'avanti
ad unu ad unu zimmullati a mmare.
E tu cchi nne vue fare?-
Le disse ra mugliere
pure ca sunu vere
tu sai tantu natare...

Girannula

Dimme 'na cosa: è bberu o pigliu sparu?
Tu nu' ssi  Ffrascantoni De Liune?
Chillu chi mo fa ll'annu era a ggarzune
Ccu cchiru malanova 'e piecuraru?

Ere cchiù nniuru tu ca 'u carvunaru
Portave a spassu tantu 'e cinturune.
Tinie d'aquila 'mprunte nu picciune
e parca 'u munnu te muccave paru.

Moni hai canciatu all'abitu culure:
'na scolla russa e 'nna faciglia 'mmanu.
Cumu va? Te si' fattu mietiture?

- Cchi mietiture? Circu mu m'arranciu
e passu d'unu a 'nn'autru capitanu
Ppe  mme firmare dduve miegliu manciu!

L'urzi

L'urzu niuru dicìa: - Sugnu sicuru
Ca tutti l'urzi su' dde pilu scuru. -


- Guarda bbuonu - le disse ll'uorzu jancu
. ca chjari ancora cci nne su' chi mancu !-

CULU TUNNU

Culu tunnu - video Conflenti 22 agosto 2012

Visita a Gradisca alla tomba di Vittorio Butera -2007

Al prof. Tommaso Pontano

Tumà, sai quantu pisu? Annu passatu

 Èra d’uttanta rùotula a ru gruossu;

 Mò sugnu nuvant’unu, purpa ed ùossu,

Ch‘a pasta de Gragnanu m’ha ggiuvatu...

E ddire cca t’avìa ppropiu juratu

De me mannciare arùculi de fùossu

E dde vidìre pènnere mpicatu

A ri travi ‘e sazizze e ru mastruossu!

Ma pùe, cchi bbùe de mie? L ‘autra matina

Zerte suppère curme e maccaruni

Me purtaru dde nùovu a ra ruina...

O razza cujjintara de manciuni,

 Chi gridamu: San Pàulu! a ggargia chjna

Sulu quannu nn ‘affruntanu i curzuni!...

Ppe' Rrusarinu Custanzu

De ticini ‘nu vùoscu e dde castagne

 Ammanta ra curìna’ ‘e Rivintinu.

 Ppe’ bbantu e pped’unure ‘e ‘ste campagne,

 Mmienzu, ‘na vota, cce criscìa ‘nnu pinu.

Dirittu, senza ‘mpruoccu nnè mmagagne,

Era dde ggemme putiruse chjnu.

Quant’aggielli cce su’ ppe’ ‘ste muntagne

Le cantavanu ‘ntuornu ogne mmatinu.

‘Nu juornu, ccussì bboze  ru distinu,

Passau ra morte ppe’ Ddicollatura

E ccu ra fàuce se struncàu ru pinu.

Juornu de luttu! Juornu de spintura!

Cianci, povara Serra de Buttinu,

Pirdìmme ‘a gemma cchiù gintile e ppura!

‘A funiculare ‘e Catanzaru

‘Nu binariu chi cala

A ru pede da’ Sala.

‘Na rota chi d’azzaru

‘Nu sciartu ha ppe ccullaru.

 Due carrozze. Nu paru

 De cuntrappisi appisi:

Eccu ‘a funiculare ‘e Catanzaru.

De quannu fò ccriata,

L’arte chi fa a jjurnata

 E’ ssempre ‘a stessa: scìnnedi

 ‘A carrozza suprana

E, ppari passu, sàgliedi

‘A cumpagna suttana.

Chilla chi fa ru juoco

‘U sai chi n’è? Nnu puocu

D’acqua chi vene mmisa,

Sulamente a ra scisa,

Intra nu cuntrappisu.

Aumintannu de pisu,

Chillu fa fforza e ttira.

‘A rota ‘e supra ggira

E re carrozze mmutta:

Chilla de supra scinnedi

E ‘nchjana chilla ‘e sutta.

-Allura me figuru —

Dice nnu passeggieri

— Cum‘è rringrazziata

L‘acqua chi fa ssa sorta de lavuru —

—Se capisce! Sicuru! — Rispunne ru trammieri

—Cumporma arriva sutta

Vene Jjittata tutta

A nnu cavùne scuru! —

Chira cicata porca de furtuna

De chissi premi, a cchi fatiga, duna!

Riccà, famme sapire

Avv. Riccardo  Folino con il nipote Riccardo

Riccà, famme sapire

Quantu te riestu a ddare,

 Ppecchì bbùogliu finire,

 ‘Na vota, ‘e te pagare.

T’haju mannatu a ddire,

 Ccu ttanti, de me fare

‘Stu càncaru ‘e piacire;

Ma tu nu’ bbûe arricchiare!

‘Un criju ca pirdire

‘A carma me vûe fare...

Pperciò, mànname a ddire

Quantu te rìestu a ddare,

‘U cuntu ppe’ cchiudire

E ppe’ tte ringrazziare.

Cataro e Zaro

‘U sai ppecchì ‘stu caru

Paise miu se chiama Ccatanzaru?

Sicunnni tanti e ttanti

Se chiama de ccussì

Ppecchì, ccica, ‘nu paru

De timuti briganti,

Unu chiamatu Càtaru,

‘N’autru chiamatu Zaru,

Tant‘anni arrietu si cce fravicaru,

Ppe’ pprimi, ‘nu pagliaru.

‘Nu granne dottu,

‘Nu ciarviellu fìnu,

Chiamatu Ddo’ Lluice Sittimbrinu,

Dice ca Catanzaru,

Stannu a ru grecu e stannu a ru latinu,

Vo’ ddire’, s’haju bbonu capisciutu,

Paise natu mmienzu a ru jurutu.

Sicunnu mie, chi ‘ud’haiu nulla scola,

Criju ca ‘ssa parola

Vene dde CA TA: cchiù e NZARU: azzàru.

Bbo’ ddire ca tutti, cchiù ca simu,

A capu cce l’avìmu

Cchiù tosta de l’azzaru.

Uniter di Lamezia - 7 marzo 2012

Foto della serata dedicata a V. Butera all'Uniter di Lamezia con la dottoressa Giuliana Paola

Mete

Ma guarda tu ‘nu puocu

Quante ciutìe nne cunta:

«Col ferro e con il fuoco

La meta è già raggiunta!»

Raggiunta? A mmie ‘u’ mme pare.

Ppecchì tra illa e ‘nnue

Cce sta dde mmienzu ‘u mare,

Ccu re timpeste sue.

‘A mèta talìana

 Era la libbirtà,

 E chilla èdi luntana

‘U’ sse sa qquantu ‘e ccà.

Si pue, pped’illu, ‘a mèta

 Era ra mal’annata,

‘A fame e ra dieta,

 Allura... è surpassata!

‘A casa mia (al dott. Giovanni Paola)

ruderi della casa di V. Butera

Giuà, chi mu te vija bbenedittu!

Chi mu te vija, cchiù ca sì, nnu Santu!

Avìa nnu furnu, te gravàva ttantu

E tte sì statu citu! E’ nnu dilittu!

Si mo chi catte, — finarmente! — hai dittu

Mpastidiscire t’ha ddivutu tantu!

E ttu, pardiu, ppecchì nu’ mme l’hai dittu?

L‘avèra spravicatu tuttu quantu!

Criju ch’armenu a mmie nu’ nn’hai ‘ncurpatu

Ppecchì, si curpa cc’edi, cce l’hai tuni,

Chi ppe ttant’anni nu’ d’hai mai parratu

Ca iu cchi nne sapìa ca tri mmattuni,

Cari a stu core miu chi cc‘era nnatu,

Te dàvanu fastidiu a ri... buttùni?

12 Ottobre 1929 (all’Avv. Riccardo Folino)

Chi sa si Ddo Rriccardu s’è spusatu?
U luni ‘u’ ss’era ancora dicidutu;
Ma disse ch ‘a ra porta ‘e nu curatu
Avera ppe ru sabbatu vattutu.

Capisciu ch ‘è nnu passu dispiratu
E cce vo’ ccientu vote rifrittutu;
Ma unu chi tant’anni cce ha ppinzatu
‘U sse dicide alI’urtimu minutu.

Ed eccute ca sabbatu è bbinutu
E nnullu sa si ancore l’Avvucatu
A cchira porta cce hadi o no vattutu.

Iu dicu deccussì: si s’è spusatu
Mu fa ccinquanta masculi a mminutu;
Si nnò va ppe’ d’aguriu anticipatu.

Cuncurrenza

Vidiennu a ‘nna dispensa
 ‘Na suriciara armata,
  -‘Sta machina me fa cuncurrenza! —
Disse ‘nna gatta, ann‘angulu appustata!

Capituosti

—Si nu’ ra pienzi ccu ra capu mia
 ‘A missa me custrinci a tte cacciare —
Bbonsignure a ‘nnu paracu dicia.   
- Cacciame tuttu chillu chi te pare! —
‘U malu capitatu rispunnìa, —
Ma ccu ra capu mia famme pinzare!

Pinne mastre

Cugnume e nnume, Pane ddo’ Mmichele

 Te dìcenu chin‘è ‘ssu cristianu:

‘Nu bbuonu, cum’è bbuonu ‘u pane ‘e granu;

 ‘Nu giustu, cum’è giustu Sammichele.

S’è bberu ca ‘nu juornu azàu re vele

Ppe’ ssi nne jire ‘e nue tantu luntanu,

Ligatu a ffilu duppiu a ru nustranu

Lassau ru core chi ‘un canusce ffele.

I cientu canti dduve ha mmisu manu,

Pàrenu scritti ccu ru miegliu mele

De tutti quanti i juri de Rumanu.

Vòlanu ‘n cielu, suli, senza vele,

Te trasenu a ru core chianu chianu.

Ah, ss’avèra ra pinna ‘e Ddo’ Mmichele!