Ppe’ ‘nnu ddire te ringrazziu...

Ppe’ ‘nnu ddire te ringrazziu...

    Mentre passava dde nu puntu sparu,

‘Nu ciucciu scigulau ttremp’a ppinninu,

E si ‘nud’era ch’a mmità caminu

Si cce truvàu ‘nna troppa  de spinaru,

Finìadi a ru cavune  e llà, ppe’ fforza,

Li se facìa ra capu a mmille morza.

  -T’aju sarvatu! - disse ru spinaru.

- Si ‘nud’era ppe’ mmie, ti nn’ère jutu!...

- Bella prudizza! - rispunnìu ssumaru.

- Ppecchì ‘nnun ddici quantu m’hai punciutu? -

'A vurpe e ll'uva

‘A vurpe e ll’uva

       Za Ro’, chi mu te vija bbeneditta!

 De quannu amarijente m’hai chiamata,

Tu ‘nu ru cridi, ‘na furtuna è stata

Chira parola chi ppe’ spregiu hai ditta.

A ru cchiù mmìegliu saramientu ‘mpitta

Me sugnu queta queta ‘mpassulata.

‘A midulla nisciunu m’ha frusciata

 E mmancu i muscarìelli m‘hanu affritta.

Ma de quannu ‘na vespa mmaleditta

Jittàu ru bbanu ch’eru ‘ngilippata,

Ogne Mmusca de mie fice mminnitta!

L‘aggìelli ogne pprunella m‘hau ggrubbata

E mmoni piennu, respicella  affritta,

Senza cchiù ssucu, de ‘na priegulata

Presentato a Catanzaro il libro di Butera

Messa in musica e recitata “Mamma Carmela”, lirica simbolo del poeta
Le lettere di Butera
La presentazione del libro organizzata dal  Circolo “Placanica” di Catanzaro

Tuturi

Tuturi

   Sapìennu ch‘era fforte sustinutu

De ‘nu palu de cerza azzarijatu,

‘Ssu piru, ppe’ ttant’anni, s’è ccridutu

‘U piru cchiù pputente d’ ‘o criatu.

   ‘St’astate, quannu ‘e cime hàu scimullatu,

E ccime de murtilla hanu parutu,

A ttutti quanti i vienti ha rrisistutu

E mmancu d”o zifune s’è spagnatu.

     Ma quannu, a ppuocu a ppuocu, ‘mpracisciutu

 S’è ru sustiegnu chi l’avìa ddunatu

 De tutta ‘a forza sua tuttu l’ajutu,

    A ru primu gricale ch‘ha mminatu,

‘U piru, cumu piru. èdi cadutu

 E mmo paga re pira d”o passatu!

Festa dei calabresi a Chivasso

Domenica 2 maggio a Chivasso (TO), in Piazza d'Armi, alle ore 20.30 in occasione della "Festa dei calabresi", Antonio Coltellaro e Beppe Cerra leggeranno poesie di Vittorio Butera e Dario Galli.

'U cane e ru piecuraru

‘U cane e ru picuraru

  ‘U cane l’avìa ddittu: - Piecuraru! –

‘U pìecuraru l’avìa ddittu: - Cane! –

Ma mo,‘nu core e ‘nn ‘anima me paru

E sse spàrtenu ‘u pane.

Vue chi tutti sapiti,

Ppecchì nun mme diciti

Si s’è ru piecuraru fattu cane

O s’è ru cane fattu piecuraru?

Corrispondenza di Vittorio Butera

Presentazione a Catanzaro del libro di inediti di
Vittorio Butera: Lettere in prosa e in versi, a cura di 
Vittoria Butera.

Lunedì 19 aprile, ore 17.30 -
Biblioteca Comunale  "F. De Nobili" di Catanzaro

Cliccare sulla locandina per ingrandirla.

Cane fidile

Cane fidile



‘Na vota, sì; ma moni chi cadutu

Sugnu ‘mmascia furtuna,

Nisciunu me rispunne a ru salutu,

Nìsciunu cumpidenza cchiù mme duna.



E cchilli chi m’avèranu vulutu

A ra capu ‘ncarcare ‘na curuna,

Mo ch‘hanu vistu ammanchiscire ‘a luna,

Pàrica ‘u’ mm’hanu mancu canusciutu.



Sulu tu, sulu tu, povaru cane,

De pede nu’ mme lassi notte e Jjuornu;

A ru pagliaru miu giriji ‘ntuornu

Puru sapìennu ca nun c’è cchiù ppane.

Bozzetto per Butera

Butera per Butera
opera di Enzo Butera in omaggio a Vittorio Butera

'U martiellu e ru chiovu

‘U martiellu e ru chiuovu

‘U chiuovu: - Ma ppecchì, stuortu o dìrittu,

M’ammacchi l’ossa? - A ru martiellu ha ddittu.

    ‘U martiellu: - Ppecchì, ddirittu o stuortu,

 ‘U chiuovu ha ssempre tuortu! -