Neglie

Neglie

   

  ‘Na funtanella guttarija e ccunta

A ri juri de l’uortu ‘na rumanza;

‘Nu viscignùolu’ visca e sse cumprunta

Ccu nn ‘àutru chi rispunne ‘n luntananza.

     Luce dde luna ‘n cielu n‘ugna punta;

 Ma l’ammuccia ra neglia chi s’avanza...

Trase, nesce, se scura, torn‘e spunta

cumu a ru core miu fà ra spiranza.

     Chi mo, de cientu suli ccu ra luce,

Vene e cce canta ‘nna canzuna muta,

Tutta carizze e ccumu mele duce;

  E mmo, tutt’a ‘na bbotta, eccu ch’ammuta;

Mmivisce, torn’e ccanta, torn‘e lluce:

Tu sì  ra neglia chi l’alluma e astuta!