Spàrtere gualu

             E' maiu e re visciòle
Scimmollanu a mazzina.
Paru tante ricchina
De curallu a ru sule.

A prìedula

   Nn'avìa chira bon'anima
De zu Giuànni Carinu 
A chira crozza 'e tumminu
Mente e cciarviellu finu! 

Dente per dente (serenata d'addio)

   Tu me dici ca Ddiu
Spirannu 'ncruce a Jiuda ha ppirdunatu;
Si fora statu iu
L'avèradi scannatu.

L'addiu

  'U juornu chi ppe' nnue se priparava
D'u distaccu tirannu e scilliratu,
'N'urtimu appuntamentu m'avìa ddatu,
Avanti mu ppe' sempre me lassava.