‘A maruzza
‘Na maruzza rispigliata
Doppu ‘ss’urtima chiuvuta,
Intra nente, era ‘ncriccata
A ‘nna verza pampinuta.
Mo, llà ssupra, allupillava:
Talli, pampine, jittuni,
Cume nente, se mmuccava
Mmuzicuni muzicuni.
- Senza gamme, cum’ha ffattu? –
Addimànnadi ‘nu gattu.
E re rane ‘e zerte gorne:
- E’ ‘ncriccata ccu re corne! -
Glossario
maruzza : lumaca
'ncriccata: salita
verza: cavolfiore
pampinuta : con laghe foglie
venerdì 30 luglio 2010
venerdì 16 luglio 2010
'u ciucciaru e ra ciuccia
‘U ciucciaru e ra ciuccia
Ciucciaru ‘Ntoni ha ffattu
Ccu ra ciuccia ‘stu pattu:
Si tuni, ogne mmatina,
Me pùorti dece càrrichi de rina,
Iu te rigalu, inchjutu paru paru,
De fave ‘nu biafàru.
‘A ciuccia hadi accittatu e ‘Ntoni ha ffattu,
Tuttu ‘stu viernu, unure a ru cuntrattu.
Ma quannu, a mmaju, i jùorni s’allungaru,
‘E cose se ‘mbrugliaru.
-Vota, disse’nna sira
‘ntoni a ra ciucciarella
- Va piglia ‘n’àutru càrricu de rina.
‘U sacciu ca già ‘u decimu viaggiu
L’hai fattu ‘e stamatina;
Ma, ciucciarè, mo cchiù, fatte curaggiu,
Tantu è ccussì bbicina... -
‘A ciuccia, povarella,
‘U’ sse sapìu nnigare
E jìudi a ccarricare
‘A solita cirmella.’
‘U juornu doppu, ‘Ntoni,
Turnàudi a ddire: - Ciucciarè, curaggiu!
Fammìlu ‘n àutru viaggiu...
Tantu cce vo’ ’nna ura
Ancòre ppemmu scura... –
E ra ciuccia, ‘mpilice,
N’àutru viaggiu a Ddonnu ‘Ntoni fice.
‘A terza sira... - Ah, no, ppe’ ra marina!
Gnornò, ppatrune caru!
Si vûe de mie cchiù rrina,
Inchje de cchiù ‘u biafàru! -
Ciucciaru ‘Ntoni ha ffattu
Ccu ra ciuccia ‘stu pattu:
Si tuni, ogne mmatina,
Me pùorti dece càrrichi de rina,
Iu te rigalu, inchjutu paru paru,
De fave ‘nu biafàru.
‘A ciuccia hadi accittatu e ‘Ntoni ha ffattu,
Tuttu ‘stu viernu, unure a ru cuntrattu.
Ma quannu, a mmaju, i jùorni s’allungaru,
‘E cose se ‘mbrugliaru.
-Vota, disse’nna sira
‘ntoni a ra ciucciarella
- Va piglia ‘n’àutru càrricu de rina.
‘U sacciu ca già ‘u decimu viaggiu
L’hai fattu ‘e stamatina;
Ma, ciucciarè, mo cchiù, fatte curaggiu,
Tantu è ccussì bbicina... -
‘A ciuccia, povarella,
‘U’ sse sapìu nnigare
E jìudi a ccarricare
‘A solita cirmella.’
‘U juornu doppu, ‘Ntoni,
Turnàudi a ddire: - Ciucciarè, curaggiu!
Fammìlu ‘n àutru viaggiu...
Tantu cce vo’ ’nna ura
Ancòre ppemmu scura... –
E ra ciuccia, ‘mpilice,
N’àutru viaggiu a Ddonnu ‘Ntoni fice.
‘A terza sira... - Ah, no, ppe’ ra marina!
Gnornò, ppatrune caru!
Si vûe de mie cchiù rrina,
Inchje de cchiù ‘u biafàru! -
martedì 13 luglio 2010
I galli e ru quacentaru
Intra ‘nu vagliu, ‘a morte ad aspittare,
Cce sunu dui galluzzi ‘mpasturati.
Demane è ffesta e ssau ca distinati
Su’ ccu ra pella a ra... santjficare!
‘U granne dice fforte: - Cchi canaglia
Ch’è ll’uominu! ‘U Signure mu nne scanza!
Puru a ru patre ‘e cannarozza taglia,
Quannu se tratta dde s’inchìre ‘a panza! -
Ma, vistu ‘nu quacèntaru
Strisciare chianu chianu,
Stinnìu ru cuollu e, paffìti!
Se l’agliuttìudi sanu,
Ccussì, quattru e quattr’uottu,
Cumu ‘nu filu cùottu
De pasta de Gragnanu.
Intra ‘nu vagliu, ‘a morte ad aspittare,
Cce sunu dui galluzzi ‘mpasturati.
Demane è ffesta e ssau ca distinati
Su’ ccu ra pella a ra... santjficare!
‘U granne dice fforte: - Cchi canaglia
Ch’è ll’uominu! ‘U Signure mu nne scanza!
Puru a ru patre ‘e cannarozza taglia,
Quannu se tratta dde s’inchìre ‘a panza! -
Ma, vistu ‘nu quacèntaru
Strisciare chianu chianu,
Stinnìu ru cuollu e, paffìti!
Se l’agliuttìudi sanu,
Ccussì, quattru e quattr’uottu,
Cumu ‘nu filu cùottu
De pasta de Gragnanu.
Iscriviti a:
Post (Atom)