Piecure e ccani

Era ll’umbrulijata,

Quannu de piecurelle ‘na murrata,

Ccu ra capu vasciata,

Saglìenu strata strata,

Ppe’ jjire a sse mintìre a ru sicuru,

Prima de fare scuru,

A r’azzaccanatùru.

De ‘ssa truppa a ra bbanna,

Marciava, ‘mparu ‘mparu,

‘Nu viecchiu piecuraru

E ccu ‘nnu viscaluru

De canna lavorata,

Sunava ‘nna canzuna appassiunata.

‘Nu cane jancu, picingatu scuru,

Ccu ttri pparmi de cuda tisa tisa,

Marciava, avanti avanti,

Prontu a r’assartu e pprontu a ra difisa

De tutti quanti.

Fujìennu cumu ‘n’anima dannata

Tutt’a ‘nna bbotta, arriva ‘nn‘autumobile

Janca de purvirata.

‘A mandra, ‘mpagurata,

Se scànzadi e sse minte a ru sìcuru.

‘U piecuraru, puru.

‘U cane, no! Bau! Bau!

A re rote d’avanti se junnàu;

Ma si cce ‘ncatturàu

E ra pella ppe’ ssempre cce appizzau!

‘Mparàti, o cristiani,

Ad essere cchiù ppìecure ca cani!