Sintìennume cantare ‘ssa vavìa
Tu certu m’hai de cridere cuntientu.
Ah, si sapissi ‘n core cchi mme sientu!
Cchi ppiernu cce haju e cchi mmalincunìa!
‘U’ ssu’ ccanzune, no, chille chi cantu
‘A notte e cchi tu sienti.
Sunu suspiri amari, su’ lamienti.
Sunu vunni de chiantu.
mercoledì 25 novembre 2009
venerdì 20 novembre 2009
Catarra fidile (Chitarra fedele)
Oje chi sugnu ‘mpuvirtà cadutu,
L’amici m’hanu tutti abbannunatu;
Ma tu, catarra mia, nu’ mm‘hai lassatu
E ssì’ dduve ‘sta manu t’ha ‘mpinciutu!
Etichette:
Butera e l'amore,
Butera e le donne,
poesie dialettali
domenica 15 novembre 2009
Luntananza (Lontananza)
-->
Luntananza
M’avia ccridutu d’essere cchiù fforte
E dde tinire ‘n core cchiù spiranza;
Ma pieju, anima mia, pieju d”a morte
E’ ppe’ ‘nnu caru amante ‘a luntananza.
Etichette:
Butera e l'amore,
Butera e le donne,
poesie dialettali
mercoledì 11 novembre 2009
Vorra ccantare (Scattiglia II)
Chi giuva ch“a finestra hai ‘mpurtillata?
‘A vuce passa e ‘nnu ra pûe firmare!...
E ppue, nud’è ppe’ ttie ‘sta sirìnata...
Cantu ppecchì mme piace dde cantare!
‘A vuce passa e ‘nnu ra pûe firmare!...
E ppue, nud’è ppe’ ttie ‘sta sirìnata...
Cantu ppecchì mme piace dde cantare!
Etichette:
Butera e l'amore,
Butera e le donne,
poesie dialettali
martedì 10 novembre 2009
Vorra ccantare (Scattiglia 1)
Vorra ccantare ccu ra stessa vuce
De quannu bbene nne vulìemu ancore;
Ma dduve l’àjju ’na parola duce
Si mo cc’è ssulu fele intra ‘stu core?
De quannu bbene nne vulìemu ancore;
Ma dduve l’àjju ’na parola duce
Si mo cc’è ssulu fele intra ‘stu core?
Etichette:
Butera e l'amore,
Butera e le donne,
poesie dialettali
lunedì 9 novembre 2009
Lamienti (Lamenti)
Lamienti
‘Stu cielu nu’ mme pare cchiù cileste
E ‘stu core d’amure ‘un parra cchiù.
Dintra ‘stu core miu, quante timpeste
Vullenu moni chi me manchi tu!
Core dulente, affrittu e ppovarìellu,
Muori sulagnu e nnun chiamare ajutu;
‘Na vota sula mòrere è cchiù bbiellu.
E nno’ ttricìentu vote ogne mmìnutu.
Iu guardu ‘n cielu: ‘a stilla cchiù Ilucente
Me pare nniura cumu ‘nu carvune.
E ‘nna lava de làcrime cucente
Me fruscia ll’uocchi cumu ‘nnu tizzune.
E ppienzu e ssuonnu e llacrimu e suspiru,
Mo chi vidìre nun te puozzu cchiù;
‘Sta vita tribulata avanti tiru.
Nente me preme, cà me manchi tu!
‘Stu cielu nu’ mme pare cchiù cileste
E ‘stu core d’amure ‘un parra cchiù.
Dintra ‘stu core miu, quante timpeste
Vullenu moni chi me manchi tu!
Core dulente, affrittu e ppovarìellu,
Muori sulagnu e nnun chiamare ajutu;
‘Na vota sula mòrere è cchiù bbiellu.
E nno’ ttricìentu vote ogne mmìnutu.
Iu guardu ‘n cielu: ‘a stilla cchiù Ilucente
Me pare nniura cumu ‘nu carvune.
E ‘nna lava de làcrime cucente
Me fruscia ll’uocchi cumu ‘nnu tizzune.
E ppienzu e ssuonnu e llacrimu e suspiru,
Mo chi vidìre nun te puozzu cchiù;
‘Sta vita tribulata avanti tiru.
Nente me preme, cà me manchi tu!
Etichette:
Butera e l'amore,
Butera e le donne,
poesie dialettali
domenica 8 novembre 2009
‘E furmiche e ru voi
‘E furmiche e ru voi
‘Na murra de furmiche,
Ccu stienti e ccu ffatiche,
De ‘na strata a ra rasa,
S’avìa ffatta ‘na casa.
E, ddoppu, chianu chianu,
Fatigannu a jurnata,
L’avìa cchjna de granu
Ppe’ ra virnata.
Ma, ieri, a ra ‘ntrasata,
È’ ppassatu ‘nu voi
E, ssenza dire: oi!
L’ha ssubbissata.
O gente chi t’affanni,
Chi trìbbuli e tte danni,
Sempre, pped’ogne rrasa,
Ppe’ ccriscere ‘na casa,
Penza ca cc’è ‘nnu voi,
De chiru voi cchiù fforte,
Chi senza dire: oi
Distrugge ttuttu: ‘a morte!
‘Na murra de furmiche,
Ccu stienti e ccu ffatiche,
De ‘na strata a ra rasa,
S’avìa ffatta ‘na casa.
E, ddoppu, chianu chianu,
Fatigannu a jurnata,
L’avìa cchjna de granu
Ppe’ ra virnata.
Ma, ieri, a ra ‘ntrasata,
È’ ppassatu ‘nu voi
E, ssenza dire: oi!
L’ha ssubbissata.
O gente chi t’affanni,
Chi trìbbuli e tte danni,
Sempre, pped’ogne rrasa,
Ppe’ ccriscere ‘na casa,
Penza ca cc’è ‘nnu voi,
De chiru voi cchiù fforte,
Chi senza dire: oi
Distrugge ttuttu: ‘a morte!
sabato 7 novembre 2009
venerdì 6 novembre 2009
Tannu e mmo (Allora e adesso)
Quann‘èramu, ‘na vota, piccirilli,
Tannu, tu, quantu bbene me vulìe!
‘Ss’ort’a ppinninu nn‘acchiappamme grilli!
Nne facèmme parate ‘sse vavìe!
‘A sira, quannu ‘n cielu i primi stilli
‘Ncignavanu a Ilucìre ti nne jìe;
Iu te vasava ll’uocchj e ri capilli
E ttu: - Vàsame ancore! - me dicìe.
‘Nu juornu nu’ bbinisti cchiù ccu mmie
‘Ss’ort’a ppinninu ad acchiappare grilli,
Cumu quann‘ere picciula facìe.
E mme dicisti - 'un bbuogliu 'sti capilli
vasati cumu prima cchiù de tie:
mo simu granni, 'un simu piccirilli!
Tannu, tu, quantu bbene me vulìe!
‘Ss’ort’a ppinninu nn‘acchiappamme grilli!
Nne facèmme parate ‘sse vavìe!
‘A sira, quannu ‘n cielu i primi stilli
‘Ncignavanu a Ilucìre ti nne jìe;
Iu te vasava ll’uocchj e ri capilli
E ttu: - Vàsame ancore! - me dicìe.
‘Nu juornu nu’ bbinisti cchiù ccu mmie
‘Ss’ort’a ppinninu ad acchiappare grilli,
Cumu quann‘ere picciula facìe.
E mme dicisti - 'un bbuogliu 'sti capilli
vasati cumu prima cchiù de tie:
mo simu granni, 'un simu piccirilli!
Iscriviti a:
Post (Atom)