Al colonnello...

Il lator della presente
è Ventura Federico:
vale a dire quel tenente
vale a dire quell'amico
di Nocera Terinese,
per il qual dalla cortese
Vostra grazia grazia spera
l'umilissimo Butera


(da lettere...)

Mortadella

Sapendo che parecchi a Catanzaro
mi danno a tutto pasto del somaro,
ringrazio vivamente l'avvocato
P. che del porco m'ha donato,
così posseggo quanto mi bisogna
per far la mortadella di Bologna.

(da lettere...)

Smemorato. Al Comm.... Provveditore agli Sudi

Ieri sera, non so come
persi il nome
della bella signorina
che t'ha chiesto una...supplenza.
Stamattina, pensa e pensa,
l'ho trovato:
M. Lina.
Te l'affido
e resto grato.

(da Lettere...)

Gratitudine. All'avvocato....

S'è bberu ca tu si', cumu se dice,
Cchiù bbuonu e ginirusu de 'nu Santu,
Cuntèntame 'sta povara 'mpilice
Ca ti nne resta grata 'u' se sa qquantu

1937 (da Lettere...)

Traduzione:

S'è vero che tu sei, come si dice
più buono e generoso d'un santo.
accontentami questa povera infelice
perché te ne sarà grata chissà per quanto (tempo).

U tirmomitru

Na stalla. ‘Nu cavallu.

‘Na gallina. ‘Nu gallu.

Cavallu:- Chi ppatrune!

Le dèra ‘nnu vasune ! —

‘U gallu a ra gallina:

— A manciatura’ è cchjna! —

Cavallu:— Cchi sciacallu!

Cchi ppuorcu! Cchi bbrigante! —

A gallina a ru gallu:

— Manciatura vacante! —

Traduzione:

Una stalla. Un cavallo.

Una gallina. Un gallo.

Cavallo: - Che: padrone!

Gli darei un bacione!

Il gallo alla gallina:

-La mangiatoia è piena

Cavallo: - che sciacallo!

Che porco! Che brigante!

La gallina al gallo:

-Mangiatoia vacante!-

‘U mulu e ri ciucci

‘Nu mulu chi facìa ru libbirale

(Ancora bbiava ‘u’ lli nn‘avìenu datu)

‘Mparu vidìa ‘nnu ciucciu carricatu

L‘avìa dde fare a fforza ‘a patirnale.

Ma quannu nn‘affruntava ‘nna filèra

Tannu, ‘u’ bbe dicu nente!

Facìa currire ‘a gente

Cumu ‘nu juculieri intra ‘na fera!

— Ma vue cchi cciucci siti? —

Dicìadi a ri ‘mmardati.

— Russure nne tiniti?

E nnu’ bbe vrigugnati

De carrijare ligna,

Supra e ssutta, a jjurnata,

Ppe’ ttanta ‘na vrancata

Fitusa de gramigna?

Se vide ca’ ‘u’ ssapiti

Cchid’è ra libertà!

‘U mulu e ru cane

‘Nu mulu spinturatu

A ‘nnu cane ‘ncamatu

Disse ‘nnu juornu: — ‘A vita è ‘nna battaglia

Cumu vilènu amara;

Supra ‘sti spalli mie quante cantara

Ppe’ ‘nnu filu de paglia!

— Ed iu — disse ru cane,

- Nu’ ssugnu cchiù ‘mpilice?

Cane, quantu se dice!

Mazzate e nnente pane!

Già, nimali cuntìenti

Puocu cci nn‘è, ccaru cumpari mulu.

I cchiù campamu sulu

De lacrime e dde stienti.

Pènsacce e bbide: ‘u voi tene ru juvu,

‘U cavallu ha ra vriglia e ri spiruni,

Iu ‘sta catina, e ttuni

‘Ssu ‘mmastu chi te scùontrica ri rini.

‘U ciervu sulu è cchillu

Ch’ è ffilice, viatìllu!

Curre ssi vùoschi vùoschi cumu vientu,

Mancia, riguma, sciala,

Trippa ccu ri cumpagni, fà ppe’ ccientu,

E ra bbiava l’arriva cu ra pala.

A ra facce de chine a ‘nna capizza

Ligatu o a ‘nna catina,

‘A vita sua strascina

Senza ‘na gioia e ssenza ‘n ‘alligrizza!

—‘U sacciu! Ma pped’illu cc’è ra cerva

Chi le carrija ll’erva!-

siti

Le poesie di Butera possono essere lette e ascoltate presso il seguente sito:

http://www.aristidecaruso.it/

Piecure e ccani

Era ll’umbrulijata,

Quannu de piecurelle ‘na murrata,

Ccu ra capu vasciata,

Saglìenu strata strata,

Ppe’ jjire a sse mintìre a ru sicuru,

Prima de fare scuru,

A r’azzaccanatùru.

De ‘ssa truppa a ra bbanna,

Marciava, ‘mparu ‘mparu,

‘Nu viecchiu piecuraru

E ccu ‘nnu viscaluru

De canna lavorata,

Sunava ‘nna canzuna appassiunata.

‘Nu cane jancu, picingatu scuru,

Ccu ttri pparmi de cuda tisa tisa,

Marciava, avanti avanti,

Prontu a r’assartu e pprontu a ra difisa

De tutti quanti.

Fujìennu cumu ‘n’anima dannata

Tutt’a ‘nna bbotta, arriva ‘nn‘autumobile

Janca de purvirata.

‘A mandra, ‘mpagurata,

Se scànzadi e sse minte a ru sìcuru.

‘U piecuraru, puru.

‘U cane, no! Bau! Bau!

A re rote d’avanti se junnàu;

Ma si cce ‘ncatturàu

E ra pella ppe’ ssempre cce appizzau!

‘Mparàti, o cristiani,

Ad essere cchiù ppìecure ca cani!

‘E furmiche e ru voi

‘Na murra de furmiche,

Ccu stienti e ccu ffatiche,

De ‘na strata a ra rasa,

S’avìa ffatta ‘na casa.

E, ddoppu, chianu chianu,

Fatigannu a jurnata,

L’avìa cchjna de granu

Ppe’ ra virnata.

Ma, ieri, a ra ‘ntrasata,

È’ ppassatu ‘nu voi

E, ssenza dire: oi!

L’ha ssubbissata.

O gente chi t’affanni,

Chi trìbbuli e tte danni,

Sempre, pped’ogne rrasa,

Ppe’ ccriscere ‘na casa,

Penza ca cc’è ‘nnu voi,

De chiru voi cchiù fforte,

Chi senza dire: oi

Distrugge ttuttu: ‘a morte!