Jettatura

'mbriachi, dui studienti
turnavanu, na sira, a ri Cujjienti,
vidiennuli, diciu  'nnu pecuraru
-Faciti chianu  ca 'u caminu è sparu. -

Prof. Sante Calabria

Tutti quanti i discipuli ch'avisti
cumu 'nu patre affizziunatu amasti;
si 'ncunu scantunare nne vidisti
a re singhe, ccu garbu, 'u richiamasti.

Doppu chi tantu granu simminasti,
quanta bbona farina ricoglisti!
Annu pped'annu, jurère vidisti
tutte quante 'e visciglie chi chiantasti.

De  gualu amure tutti quanti amasti,
dùomiti a tttutti quanti nne facisti.
'U core tuttu quantu nne dunasti.

Eri 'nu santu e Ssantu te chiamasti.
E mmoni chi a ru cielu ti nne jisti
quanti cuori ccu tie ti ne portasti!

Mulitura

Finu chi sugnu iutu a ru mulinu
de donnu Janni a macinare granu,
patrune e mmulinaru, sanu sanu
m'hau dde saluti e ccivilizze chjnu.

Quannu m'hau capitatu de vicinu
m'hanu vasatu ccu rispettu  'a manu
m'hanu mannatu ppe' Natale 'u vinu
e ppe'ra Pasqua 'nu crapiettu sanu.

‘A Strina

Vilìja ‘na varchetta mmìenzu mare,

chi mu ve po’ za Santa ‘mprosparare.

Viju ca vene cca ccu ccìantu vele

de mastazzola càrrica e dde mele.

A ra patruna de ‘ssa casa bbella

ricchjni porta, spingule ed anella,

ed a ra figlia de cummari Nnciuànna

de perle ognuna tanta ‘na succànna.

A Giustizzia

'A giustizzia è 'nna vilanza
fatta apposta ppe' pisare
de l'affritti ogne  mancanza,
nu castiju ppe' lle dare.

Galliggianti

N'aranciu, ccussì bboze ru destinu
cattedi a mmare e sse truvau bbicinu
a nnu' bbe dicu quanti
trunzi...ccu ll'esse davanti

_Bonu venutu! ebbiva!
Gridau ra comitiva.
- A ra furma e a r'adduru
se vide chiaramente
ca tu nne si' parente...


Se capisce! sicuru!
disse chiru 'mpilice.
Ma iu sugnu nisciutu de' na zagara
e vue de chira banna chi 'un sse dice!

Poesia e Musica a Rogliano

Il grillo critico

Omaggio dell'artista Francesco Antonio Caporale a Vittorio Butera


"Libro d'artista@Libri di Testa"con "Il Grillo critico" di Vittorio Butera.
il grillo critico,di Vittorio Butera -smalti acrilico collage legno carta applicata su multistrato -cm. 56x63x12 anno 2012

‘U grillu criticu

‘Na ciuccia ‘nnamurata

Se fice ‘nna ragliata.

-Canta - disse ‘nnu grillu

-Chi pare ‘nnu cardillu! -

Cantàu ppue ‘nnu cardillu

De supra ‘nu ristucciu.

- Raglia ccumu ‘nu ciucciu! –

Disse ru stessu grillu.

 

Convegno: la valle del Savuto

Vittoria Butera parlerà di:

la poesia di  V. Butera come documento antropologico della sua epoca

Compere

Togliendo dalla borsa il librettino
da un endice di seta attraversato
vediamo - disse - cosa vuol comprato
quest'oggi Giovannino.
Lo debbo aver segnato
in questo mio tacchino!