'A giustizzia è 'nna vilanza
fatta apposta ppe' pisare
de l'affritti ogne mancanza,
nu castiju ppe' lle dare.
A 'pirsuna 'ncarricata
cumu accerta ra pisata,
a ssicunnu ch'èdi granne
ti ci azzicca re cunnanne.
'na menz'unza? Cunnannatu
'nu cantaru? Primiatu!
E pue vienu a me cuntare
chi fa malu 'na fuina
quannu 'mparte d'arrubbare
solamente na gallina,
va esse 'mpesa, paru paru,
tuttu quantu 'u gallinaru.
Iscriviti a:
Commenti sul post (Atom)
Nessun commento:
Posta un commento