Mulitura

Finu chi sugnu iutu a ru mulinu
de donnu Janni a macinare granu,
patrune e mmulinaru, sanu sanu
m'hau dde saluti e ccivilizze chjnu.

Quannu m'hau capitatu de vicinu
m'hanu vasatu ccu rispettu  'a manu
m'hanu mannatu ppe' Natale 'u vinu
e ppe'ra Pasqua 'nu crapiettu sanu.



Ma de quannu nu' macinu cchiù granu
de chiri dui nisciunu cchiù mme cura
e nisciunu me vasa cchiù ra manu.

Nente cchiù bbinu e crapittella scura...
Se vide cientu miglia de luntanu
ca tutta era questione e mulitura