Dente per dente (serenata d'addio)

   Tu me dici ca Ddiu
Spirannu 'ncruce a Jiuda ha ppirdunatu;
Si fora statu iu
L'avèradi scannatu.


   'A Madonna pirduna
A chine fa ru male e ssi nne pente,
Iu nun tìegnu nisciuna
Carità ppe' ra gente.
  Chilla chi piace a mmie
E' ra minnitta!  E ' ra minnitta, 'u sai.
Iu nun pirdugnu mai
E ttantu menu a ttie.
   Tu cièntu mi nn'hai fattu,
Ed iu cièntu e 'nna menza ti nne rìennu
Si 'nu dispiettu è ppattu
'un cancaru m'arìennu.
  M'hai fattu sempre 'e chiova
E mmo' vulère puru pirdunata? 
O anima dannata
Cumu se soffre prova!
                                             Conflenti, 10 marzo 1904