Aguannu, ccu cchil'uogliu
Chi tu m'hai purmintutu
'U sai ca m'hai mintutu
Intra 'nu bruttu 'mbruogliu?
E già! Pecchhì si dicu
Ca sin'a 'stu minutu
'U ll'haju ricivutu, cumpari Fidiricu
Dice: Madonna mia!
Mancu si cce 'o divia!
Ma si me l'ha mannatu
Ed iu nu' lli nne parru,
Po' ddire: cchi ttammarru!
M'avisse ringrazziatu!
'Nzumma cchi d'haju 'e fare?
Parru? Maleducatu!
'Un parru? Scustumatu!
Viditi vue cchi ffare?!
Iu parru, ppecchì bbuogliu
Niscire de 'stu 'mbrogliu.
Iscriviti a:
Commenti sul post (Atom)
Nessun commento:
Posta un commento