'U core è sempre ccà! Al Cav. Franco***. 1936

             Tra tutti chir'amici ch'hai lassatu
 A sira chi de cca ti nne si' jutu
Unu cci nn'è,  ssinceru e affizzionatu
Chi de nu frate 'u bene t'ha bulutu.



       Va vide   'e quale diavulu 'ncicàtu,
De maluocchiu, 'nu tiempu , t'ha bidutu;
Ma pue, doppu chi t'happe   sparmintatu,
Si nn'è sinceramente ripintutu.

    E  mmo' ? cce cridi? 'e quannu si' partutu
Va dimannannu a tutti, a ppierdijatu,
Si veramente o no t'haiu pirdutu.

         'Na vuce: - Nossignore! - L'ha gridatu.
- 'U cuorpu sulamente si nn'è jjutu,
'U core è sempre cca: me l'ha lassatu!