Friddu e friddure

  L'aguri e ri saluti
Chi m'aviti mannati
L'avimu ricevuti
Ma, Ddo' Llissà, truvati
Cussì friddi l'avimu
Chi propriu ni nne simu
Tantu maravigliati.


     Hamu dittu: Ppecchì
Cumu càncaru va?
Ppe fare deccussì,
'Na ragiune cce sta...
Ma, quale mai? Me spagnu
ca l'haiu addimminata:
Ca tu si 'nnu cumpagnu
ed iu 'nu cammirata.
  Gnornò -dice Tartaglia
Chi raramente spaglia-
'A ragiune 'u' d'è chissa;
Ma è ch'a ra Suissa
Quann'unu a ''nn'autru , scrive
Usa ppe' 'nchiuostru ...nive!