Caru Lissandru, ccu ra malavoglia
né mmiedici cce su' nné spizziale,
quannu te vene, si' ppirdutu! Hai voglia
ma curri ppe' rrimedi a 'nnu spitale!
'U miedicu cchiù dottu si cce 'mbroglia
pecchì è cchiù ppieju d'o cchiù ppieju male,
miegliu, Signure, cuollicu 'na doglia
ca na discrazzia ccussì granne e tale!
'e medicine chi c'hai ordinatu tuni
su' cumu l'uogliu caudu a cchir'affare
cce vo' d'autru ca carne e maccaruni!
si giuvava ru sulu mazzicuognu,
'na brocca mastra, cumu a mmie, te pare
ca de cunsigli d'autri avia bisuognu?
Iscriviti a:
Commenti sul post (Atom)
Nessun commento:
Posta un commento