O Ddo' Lui, cumu te vene 'n mente
de dire ca mo, su' qquattru o cinqu'anni,
iu te purtai a ra casa 'nu criente
chiamatu Donnu 'Ntoni Mastruianni?
Chillu, sapiennu ch'ere viramente
n'avvucatu granne tra i cchiù granni,
cce vìnnedi de sua spuntaniamente
senza cunsigli d 'autri né cumanni.
-Ma tu vinisti puru. - Certamente,
ma sulu ppe cce fare cumpagnia
no già ppe' te portare 'nu criente.
Perciò mo videtila vussuria,
Cà de ssi fatti 'un nne capisciu nente
e tante grazzie ppe' ra minzanìa !
Iscriviti a:
Commenti sul post (Atom)
Nessun commento:
Posta un commento