Tumà, sai quantu pisu? Annu passatu
Èra d’uttanta rùotula a ru gruossu;
Mò sugnu nuvant’unu, purpa ed ùossu,
Ch‘a pasta de Gragnanu m’ha ggiuvatu...
E ddire cca t’avìa ppropiu juratu
De me mannciare arùculi de fùossu
E dde vidìre pènnere mpicatu
A ri travi ‘e sazizze e ru mastruossu!
Ma pùe, cchi bbùe de mie? L ‘autra matina
Zerte suppère curme e maccaruni
Me purtaru dde nùovu a ra ruina...
O razza cujjintara de manciuni,
Chi gridamu: San Pàulu! a ggargia chjna
Sulu quannu nn ‘affruntanu i curzuni!...
Nessun commento:
Posta un commento