Festa dei calabresi

Sabato 2 maggio a Chivasso, in Piazza d'Armi, alle ore 20.00, in occasione della "festa dei calabresi", Antonio Coltellaro e Beppe Cerra leggeranno poesie di Vittorio Butera e Dario Galli.

Festa dei Calabresi

Dal 30 Aprile al 3 Maggio 2009

P.zza D'Armi - Chivasso

Sabato 2 maggio

ore 10,00 Ballo dei Giganti per le vie della città.

ore 15,30 danze popolari con il gruppo folkloristico "La voce di Calabria", I "Cumpari Ra Putia" e il cantante folk Ciccio Carere

Ore 18,00 sfilata corteo (da piazza Borgo Vercelli, via Torino - piazza d'Armi) dei giganti con gruppi folkloristico - tamburelli e organetti.

Ore 20,00 lettura di poesie dialettali di autori calabresi. Le poesie saranno lette dal prof. Antonio Coltellaro, dalla prof. ssa Carmela Oliveri e da Beppe Cerra.

ore 21,00 Festival del folklore con Gruppi folkloristici "La voce di Calabria", I "Cumpari Ra Putia" e il cantante folk Ciccio Carere

ore 23,45 spettacolo pirotecnico "Il ballo dell'asinello".

‘U cane e ra gallina

‘Nu cane ch‘ha bbintatu ‘na gallina

Le fà ‘nna rivirenza de luntanu.

Le dicu: — Cumu va chi stamatina

Te si’ ffattu cchiù ddùomitu e ccristianu?

Va cà sugnu ligatu a ‘sta catina

Sinnoni ’u cuollu le scippèra ssanu! —

A gallina, ccu rrìsule ‘na cera,

Rispunne ccu ‘nnu nchinu e ‘nna cantata.

Le dicu: — Gallinè, te si’ ccanciata

O cumu ‘ssu cagnuolu si’ ssincera?

— Gnornò; ma si nu’ ffora ‘mpasturata

L‘uocchj ccu ddue pizzate le cripèra! —

‘A vurpe e ru vurpigliu

‘A vurpe ha ddittu ieri a re cumpagne:

—Rispiettàmu ‘e galline!

—Stanotte ‘nn‘ha scannatu tri dduzzine,

‘Sse campagne campagne.

—Bellu rispettu! — disse ru vurpigliu.

—Ppecchì? —Ll’addimmannau mmamma za Rosa.

-‘U cumu fazzu e ccumu te cunzigliu,

Te paredi ca su’ ra stessa cosa?

Parola mia, ca nu’ mme pari figliu! —

'U tirri

'Nu tirri tirrijava
E ssulu s'avantava:
- Supra 'nu pede abballu
Cchiù mmiegliu de 'nu gallu
E ggiru e ggiru e bbaju
De ccà e dde llà e nnun caju.

- 'Un te paparijare!
Le dìssedi 'nu lazzu.
- 'Un tantu t'avantare! -
Le dìssedi 'nu vrazzu.
- Tu giri cà girare
Nu' autri te facimu.
Penza ca si vulimu,
Finisci d'abballare! -

Incontro buteriano a Conflenti

incontro-dibattito tenutosi a Conflenti il 9 giugno 2007

alle ore 17,30

U voi’ e ru punturu - Il bue e il pungolo

U voi’ e ru punturu

Mentre de voi ‘nu paru

Assacca a ‘nna ‘nchianata,

Ccu ‘nn‘asta appizzutata

‘I ppunce ru massaru.

Fàd’unu:— Si’ ‘nnu vile!

Cce vo’ ‘nna cosa giusta!

Ppecchì nnud’usi ‘a frusta

Oppuru ‘nu staffile?

‘U sai ca cc‘è ‘nna legge

Chi puru i voi prutegge?

-Gnorzì! Ma quann’aviti

‘Nu cùoriu ccussì dduru,

Vuliti o nu’ bbuliti,

Cce vo’ cchistu punturu —

testi

pubblicato nel 1984

‘U mulinaru e ra ciuccia

Tirannu ppe’ capizza a ‘nnu pinninu

‘Na ciucciarella càrrica de granu,

Ciccu si nne turnava, cchianu chianu,

Mmierzu vintiquattr’ure a ru mulinu.

Quann ‘èccute vinire de luntanu

A strarutta de cuollu ‘nu trajinu,

Cà ‘nu mulu vizzarru cavallinu

A ru patrune avìa ppigliatu ‘a manu.

‘U Ciccu, primurusu de sarvare

Non tantu ‘a sua quantu a ra ciuccia a vita,

Mparte mu ccu ‘nnu sàutu se gavìta

E mmu lassa cchill’autra buzzarare,

Se mise a ttutta forza a ra tirare

Dduve cchiù llargulilla era ra strata;

Ma chilla ristàu ‘nterra ‘mpirunata

E nnu’ sse voze ‘nn‘àcinu arrassare.

— Arri! — gridava Cciccu. — Arri, ammazzata,

Cà vene ru trajinu e nne summuzza!

Ma chira capitosta scuontricata

Cchiù Cciccu tira, cchiù ru trugliu appuzza!

Vistu ca nun ce resce, arrieti vota

Ru Ciccu ppe’ lle dare ‘na mmuttata;

M’arriva ru trajinu e tte l’arrota...

‘A ciuccia nu’ ffo’ mmancu muoticata.

Avanti a ru piriculu hai de fare

Cumu ‘ssa ciuccia, si te vue sarvare!

Al Dott. Costantino Butera

Caro Dottor Butera,
il vostro sottoscritto servitore,
vi rinnova quell'umile preghiera,
che a voce ebbe l'onore
di rivolger a voi per l'eccellente
suo carissimo amico
V. Federico,
lator della presente.
Della vostra squisita cortesia
e della vostra equanime indulgenza
egli l'attenderebbe una licenza
nuova e... discreta di convalescenza:
fate, caro dottore, che così sia.
Abbiatevi la mia
riconoscenza e quella dell'amico
V. Federico.
Per tutti e due mi dico
con amicizia vera
il vostro devotissimo Butera.

1945 (da Lettere...)

Ddo' Mmicu

Ex  o no, Ddon Mmicu
a mmie m'è sempre amicu.
E quannu, 'ncuna vota me cummanna
mintu tuttu de banna.

Ma si me raccumanna,
Cumu 'sta vota, gente
chi mancu ha pprisintatu 'na dimanna,
cchi puozzu fare? Nente!

22 dicembre1932 (da Lettere...)

Traduzione:

Ex o no, don Mico
a me è sempre  amico.
E quando, qualche volta mi comanda
pongo tutto da banda...

Ma se mi raccomanda
come stavolta gente
che neanche ha presentato una domanda,
che posso fare? Niente!