'U lupu curaggiusu

   Nu lupu curaggiusu,
Ppe' nun ppirdire l'usu,
Se misedi in caminu 
Mmienzu 'ssu Rivintinu,
Dduv'era azzacanata
De crape ' na mandrata.


        Cumu arrivàu, 'nu zimmaru
Le disse: - Beh, cchi bbue? -
- Na coscia granne e tennera 
De 'sse crapuzze tue! -
- Allije! Ma ... demane,
Ca mo' cce sta ru cane! 
      -Sarvame chilla manca 
De 'ssa ciarvella gulla-
 - De quale? -De 'ssa janca
'Ngrassata cu ra sulla. -
- Gnorzì. Torna... T'aspiettu...
Cc'è ppuru 'nu crapiettu-
       E ru ciutale jìu...
Ma 'mparte 'e 'nu casciune
Sapiti cchid'avìu?
'Nu palluttùne
Ppe mmanu d'u patrune
A ru Domeneddiu.
                                                      24 gennaio 1942