Sirinate

   Chiovedi chianu chianu ed iu de n'ura
Te staju ad aspittare.
Spalànca, bella, 'sta finestra scura
E làssate adurare.

 
  Apire. Nu' ra fare cchiù affunnire
'Sta povera catarra... 
Penza ca sta 'sta zimarra
Mi s'è rriddutta chi se po' tturcire!
     Cumu si' mala! Me vue sempre bene
Cumu 'na vota o m'arru?
'Penza ca, si nu mm'àpiri, me vene
'ncunu pardiu e catarru!
   Manijate! Dilluvia e cchiù ssunare 
Nun pùazzu 'a tarantella.
Fàlu ppe' carità. Famme 'nchianare
O jettame 'n'umbrella! 


                                        Conflenti, 1 gennaio 1904