Forge e furgiari.

Zappa zappa, 'nu zappune
S'era fattu 'nu vuzzune:
Senza pala, senza pizzu,
senza n'ugna de sanizzu.
                Stamatina l'haiu ajjatu
tuttu quantu stracanciàtu:
'N'autra pala, n'autru pizzu,
E cchi mmanicu sanizzu!
                L'haiu dittu:  Don Zappù,
Ma è ru veru ca si' ttu?
- Sissignore!- E chin'ha ffattu
'Ssu miraculu a nnu trattu?
                   - Fo' 'nnu nobile forgiaru
Cujjintaru,
CCu ssiliènza a re ciarviella,
Chi nun  ha mmintutu a pparu
Ccu zu' Ciccu 'e Simintella !