Tùni m'avie lassatu 'na " Funtana"
Ed iu t'avia mannatu " Nustalgia".
Eramu parapatti, pardiana!
Nnè tu avanzave, nnè iu te divìa.
Ma... dopu mancu 'na simana,
Jietti a ra vilanza 'na puisia.
' A coppa 'e l'autra banna all'aria 'nchiana
E ttuorni criditure vussurìa,
Capisciu; 'nu banchieri ha dde scrivere
Sempre ppe' dignità professionale,
Ma, me sapuire dire 'nu murtale
Cum'ha dde fare pue ppe ' te juncire
'ntiresse, mora, munte e capitale?
Iscriviti a:
Commenti sul post (Atom)
Nessun commento:
Posta un commento