Ppecchì, Ddonnu Lipò, ppecchì de nuovu
M'hai de 'ssu core tue chiudutu 'a porta?
Cce pienzi a ru dulure chi nne pruovu?
E' forte deccussì chi 'u' sse supporta!
Miegliu mu 'ncore me trasìa 'nnu chjouvu
Ca mu me dici: "L'amicizzia è mmorta!-
' A pena a cchiru munnu mi nne porta,
Cà unu cumu ttie cchiù nu' ru truovu!
Tra tanti cari amici ch'aiu avutu,
'U cchiù caru ppe' mmie, tuni si' statu,
E cchi bbene, Lipò, t'haiu vulutu!
' Stu core iu te l'averadi dunatu
Senza cce rifrittire 'nu minutu,
E ttu, Lipordu miu, quantu si' 'ngratu
Iscriviti a:
Commenti sul post (Atom)
Nessun commento:
Posta un commento