—Dimme ‘na cosa: ‘e cchi pensieru si’? —
Riprubbicanu, e ttu? — Riprubbicanu —
- E vvieni ccà, strincenne ‘sta manu
forte! cchiù forte! Bravu! Deccussì!
Doppo chillu ch’ha fattu chiru nanu
de Fra’ Bittoriu ‘Manuele tri,
puru vulie mu iu, nu talianu,
vutava ppe ru Rre, mancu si cchì! —
— Capisciu,… ma, - Capisciu…, s’ha mancatu
l’ha fattu a nu mumentu de pazzia
ppe curpa ‘e chiru facci d’ammazzatu. —
- Cumu hai dittu?: Ma, allura, vussurìa
ppe chine santudiavulu hai vutatu? —
—Haiu vutatu ppe ra monarchìa. —
Nessun commento:
Posta un commento