Clip di Saverio Stranges - Poeta Vittorio Butera - CONFLENTI

Lunatici

Mamma Carmela

A funtana e Fruntera.

A cerza e ru pazzu

 

‘A cerza e ru pazzu

Ad unu chi ‘na cerza

fa crìscere a ‘nna grasta

l’haiu diciùtu: -Basta

ccu’ sta fatìga perza.

Ssa cosa ‘u ra cunchjiùdi,

t’abbàca ppemmu sudi!

‘A glianna, se capìsce

ca piglia, nasce e crisce,

ma, nun se po’ fare granne

si nun le duni spaziu

‘e ràdiche mu spanne.

Ah, nun me cridi? E ttuni

‘nu jùarnu ti nn’addùni.

E all’annu s’addunàu

Ca ‘a grasta se cripàu.

Chjiaru e scuru

 

Chjiaru e scuru

-Iu sugnu ppe’ ra luce

Chi fa bbidìre ad unu

‘E cose cumu sunu -.

Me dìssedi ‘na vuce.

-Iu sugnu ppe’ ru scuru,

Ccussì, cumu me piace,

‘A gente me figùru. -

-E, si chillu chi vidi

Nud’è cumu te cridi? –

-‘U ra fa nnente. Penza

Ca ‘u munnu edi apparenza!

Dirittu edi ‘u cùoscinu

Ppe’ ll’ùacchjiu ch’è ccicatu,

Ancilu s’è ddiàvulu,

Riccu s’è dispiratu.

Fatte i fatti tue

 

Fatte i fatti tue

De trempa a ‘nna vutàta

C’era ‘nna priègulata

De uva marcigliana

Cunchjiuta sana sana.

‘Na vurpe ch’era stata

De ‘na pariglia ‘e cani siècutàta

Li se mise a ru friscu

Aspittànnu ‘nu rappu

Ppe’ ddifriscu.

Ma, ppe’ quantu facìa,

Nun  ce juncìa.

‘U rappu chjiù cunchjiùtu

Disse: - Cumpagna, quantu mi nne pisa

Llùocu de te vidìre

Ccussì tantu suffrire.

Si potèra scinnìre,

Tutte quante ‘sse coccia

Iu stessu te civèra,

Ma ‘u distinu attaccatu

M’adi a ru sarramìentu

E nun pùozzu vinìre.

‘Nu suricicchjiu, chi tinia ru nidu

A ‘nnu grubbu de furca ‘mpracisciùta,

Disse: - Si vùe ‘nu bene

Fare davèru a za’ Rosa,

Te cunsìgliu ‘na cosa:

Iu ccu’ ‘sti dìenti

Te tagliu due saramìenti,

E fazzu ‘nu rappu calare

Ppe’ si nne scialàre. –

Disse ru rappu: - Chine si’? cchi bue?

E fatte, ch’èdi mìagliu, i fatti tue! –

Parabula a ra mmerza.

 

Parabula a ra mmerza  

5 dicembre 1934

• O nannarè, m’a cunti ‘na rumanza? –

• Se, figliuma, ma quale? –

• Chilla de ‘na jumara ‘ntruvulàta

Chi nne cuntasti ‘a sira de Natale –

E ra nanna:: - ‘Nu lupu timurùsu

Scinnìudi, ‘na vota a ‘nnu cavune

Mu se difrisca a ‘nnu gurnàle umbrusu

‘U ficatu vrusciatu e ru purmùne.

Ma cce truvàu nnu veru lazzarune

D’àunu, strapriputente e ddispittùsu

Chi disse: - De ‘ssu lupu sapurusu

Mi nne fazzu ‘nu vuccùne! –

E ppe’ giustificare

‘Sta priputenza vile e scilerata

Se mìsedi a gridare:

-Ppecchì m’avìti l’acqua ntruvulàta? –

-Ma, crapittìellu miu,

nun sugnu statu iu.

Guarda, sugnu luntanu

De l’acqua vinti passi -.

-Gnornonzignore, ca te si’ arassàtu

Doppu chi ccu’ ri pìadi

D’arrìeti l’hai azzancata. –

-Ma no, guàrdame buonu i piedi,

Ancora l’haiu asciutti –

--Pìenzica cc'hai jettàtu

‘na petra de luntanu –

-Cumu? Ccu’ quale manu? –

-Ccu’ cchilla chi nud’hai! –

-O crapittì, ma tuni

Me para ca ‘un raggiuni -.

Ma l’àuni priputente s’accustàu

e ru lupu scannàu.

Ccu, ‘nna risàta: - O na’, ti nne si’ accorta

Ca m’hai cuntata ‘a rumanza a ra storta? –

-E no, caru nipute,

‘na vota eranu i lupi

Chi scannavanu l’àuni,

ma moni sunu l’àuni

chi scannanu i lupi -

u liune anticu e ru mudernu

 

‘U liune anticu e ru mudèrnu

‘U liùne d’‘o seculu passatu,

Quannu ‘n’anìglia spàrtere sulìa,

A ru cumpàgnu chi l’avìa paratu

‘U saccu, deccussì, cica, dicìa:

- Chistu quartu me tocca de dirìttu,

St’àutru ca sugnu ‘u rre de tutti quanti,

St’àutru ca tata l’ha lassàtu dittu,

E st’àutru, s’hai curaggiu, fàtte avanti! –

Male! D’accordo; ma l’anticu liùne

Armènu mpapucchjiava nna ragiùne,

Mentre chissu de mo, fattu cchjiù ardìtu,

Se piglia tuttu, e ccitu!

'u surice e ru casu cutrunise

 

‘U surice e ru casu cutrunìse

De zertu casu friscu cutrunìse

A gguardia ‘nu furìse

Tri gatte avìadi misu:

Una a ra porta,

N’àutra a nnu spuntune,

E ll’àutra, cchjiù accorta,

Vicìnu a nnu casciùne.

Si ‘ncunu sùrice

Llà capitàva,

Vivu, cridìtime,

Cchjiù nun turnava,

Ca una, l’àutra o l’àutra l’ammazzava.

‘Na sira cumparìu de nu grubicchjiu

Tantu ‘nu suricicchjiu,

Parìadi ‘nu jirillu

Tant’era picirìllu.

Disse: - A sta mullica

De sùrice chi nchjiana

‘Na gatta puòrtulàna

Un criju ca s’apprìca! -

E passare lu lassa:

- Passa, virmùzzu, passa!

Ca sulu a tte guardare, edi ridiculu

Pinzare a nnu piriculu! –

Passàu. Quann’arrivàu

Bicìnu a ru spuntùne,

Disse: - Cummari ga’, pùozzu passare

O pìenzica de mie ti nne vue fare

Stasìra nu vuccùne? –

-E nne vale ra pena, urra de casu?

A ‘nchjiastri cum’a ttie nun se fa ccasu! –

Passàu, giràu, vutàu

E a ra guardiàna

Urtima s’accustàu:

-Pùazzu? – Gnorzì, nchjiastriellu,

Vidìti vue si mo ‘na cristiàna

S’apprìca a nnu chjiattìellu! –

Passàu, cupàu, grubàu

‘U sìettu d’’u casciùne,

E a ra porca facce d'u patrùne

‘A panza s’abbuttàu

Quàsica ppe’ nnu mise

De casu cutrunìse.

Timìti cchjiù ‘nu nchjiastru

Ca ‘nu sùrice mastru!