L'addiu

  'U juornu chi ppe' nnue se priparava
D'u distaccu tirannu e scilliratu,
'N'urtimu appuntamentu m'avìa ddatu,
Avanti mu ppe' sempre me lassava.


      Vinne. Nu' ddissed'ohi, tantu trimava,
Culure nud'avìa 'mpaccia nné jjatu. 
'Non tantu ppe' ru passu ch'avìa ddatu,
Ma ppe' ra  pena ca m'abbannunava.
     Le dissi: quanta 'mpamia è ra furtuna!
E  qquantu mai cuntraria nn'è ra sorte!
Cchiù 'mpilice de nue nun c'è ppirzuna.
    Me disse: E' bberu, ma l'amure è fforte.
'St'anima tutta l'anima te duna.
Partu; ma riestu cca finu a ra morte!