Rivintinu

    De luntanu o de vicinu
Si te viju , o Rivintinu,
Iu me sientu intra 'stu core
Tuppi tuppi  'u vatticore.
- Ma pecchì ? .
- Eh, cca sì! -
   O ch'è biernu e ttu janchiji
O ch'è estate e ttu virdiji
Si te viju me ricriju
E mme sientu intra 'stu core 
Ttuppi tuppi 'u vatticore-
-Ma pecchì ? -
- Eh, cca sì! -
  Quannu mina ru ponente 
E sconquassa cumu nente
'e curine de 'nu pinu
Tannu iu sientu intra stu core
Ttuppi tuppi u vatticore-
-Ma pecchì ? .
- Eh, cca sì! -