I viènti

Erad'autu  ccussì. Ccu 'nna zanella
chi fin'a re jinocchia me pinnìa 
china de  livri e dde 'ncuna rusella
Faciadi a scusic'a ra scola jìa.
E Mmmastru Manuele me minava
Ppecchì 'a lezzione  'u mme 'mparava.


     Cchi ttiempi tannu, o Giuà. Ti nne ricùordi? 
jocavamu  a ra mazza e a ri briganti.
Nisciemu senza giacca e mmìenzi lùordi
E scolla nu' d'usavamu nné 'nguanti.
Ccu ri  càuzi jaccati, e nne parìa
Ra fadellla d'arrieti ppe' ra via.
   A llèjere nn'avimme de 'mparare
A furia de rigate e succuzzuni 
Pecchì, 'mparte d'attènnere a studiare,
Jiemu acchiappannu granci a ssi' cavuni:
Ma finarmente, cumu voze Ddiu,
A llèjere 'ncignavi puru iu. 
   Pue vinne na grammatica pilusa 
E cchiù rrigate chiòvere sentivi;
Vinne rra rittmetica  'mbrugliusa
E, pecchì nente nu' nne capiscivi,
'E parme de  'ste manu mi s'ujjàru,
Tante fùaru re botte ch'abbuscaru.
   Vinne ra storia e doppu 'a giugrafia;
Ma iu de chiri Rre, de chiri jumi,
Si tannu 'ncuna cosa nne sapìa
Moni m'haiu scurdatu puru i numi.
Se vide ca me manca ra midulla
O cce l'haiu de  velu de cipulla.
    I punti cardinali sulamente,
Ppecchì ccedi ligatu 'nu ricùardu,
Me su' rristati tutti quanti 'n mente
E ppiriculu 'un c'è mu mi nne scùardu:
'U  livante, 'u punente, 'u maistrale
'U sciruaccu, 'u libbicce e ru gricale.
  ' Ssi vienti era rrisciutu a mme 'mparare
E rri ddicìa 'nnu jùarnu a ccanzunella,
Quannu nne fici n'aùtru rintronare, 
d'arrieti, facc'e  frunte a ra fadèlla. 
'Na vuce, intra 'ssu mentre, disse:- Attientu!
Ppecchì te si' scurdatu 'u megliu vièntu!
          Iu   'nsubitu d'arrieti me vutai:
 Ma vidiennu ca 'n'anima nun c'era,
Tanta fo' ra pagura chi 'nchiatrai!
E dde carta se ficedi 'sta cera.
Cumu nun rristai  'mmittule tann'iu,
Fo' propriu 'nu  miraculu de Ddiu.
     Pinzai tutt'a 'nna vota de scappare
Ma 'ncùarpu avia 'nna tale tremarella
Chi 'u' me putivi mancu muoticare.
Cchi nnova pue chi foze  ra fadella
Chi parrava, e furtuna ca dicìa:
Cchiù dde 'nu spertu, e sperti a ri Cujjienti
Cce simu, benedica, tutti quanti,
Tamarri, galantuomini e ppizzìenti.
............................
   Nun bisca de 'nu puntu cardinale
Ppecchì nud'è libbicce o tramuntana,
Né ppunente, nné grecu o maistrale
 .......

                                 Conflenti, 10 luglio 1900


mancano due versi (ndr)