'A palla e ri birilli

‘A palla e ri birilli



‘Na palla de bigliardu

A ri birilli ha ddittu:

— Iu caminu dirittu

Senza nullu timure nnè rriguardu —.

E, ccumu ‘mpatti, fina chi ha ttruvatu

‘A strata liscia e cchiana,

Ha rullatu, ha rullatu

Ed è jjuta luntana.

Ma quannu, rolla rolla, s’èdi ajjata

Facce e ffrunte a ‘nnu cuozzu de listune

De furia, ‘na capata

L’ha ddata de muntune.

E ttale fo’ ll’urtune

Ch‘arrieti èdi turnata

Ccu ttantu n‘ujjazzune

A ra capu pilata...

‘Nu birillu l’ha ddittu.

— Madonna! E ccumu mai?

Ccussì mmarci dirittu?

Ccussì ttrimare a ttutti quanti fai?

Ma allura eranu ttutte fissarie

Chire spaparanzate chi facìe? —

— Ppecchì? Sicunnu ttie

Iu tuornu cà turnare m’ha ffaciutu

‘Ssu scuogliu dduve ‘a capu haju vattutu?

Chiacchiere, amicu! Chiacchiere! Ciutìe!

Iu tuornu ca turnare haju vulutu —



Glossario:
ajjata : trovata
Pilata : calva
Ciutie : stupidaggini