Zampugne scasciate

 Al Comm. Michele Galatà

Cch'è ssucciessu? Te mannu ogne ssimana

Mo   'na littira e mmo' na  cartulina,

E ttu, fattu cchiù ssurdu 'e 'na campana, 

Te bbuzzari de Peppe e de Rusina!

Mo ccu  ddui vierzi e mo ccu 'nna quartina,

'A musa mia fin'a ssu Ruma 'nchiana;

Ma tu, pecchì è  bbistuta de pacchiana, 

'A tratti cumu l'urtima mappina!

 Capisciu: 'na zampugna paisana

Ppecchì nnud'ha ru suonu 'e l'ocarina,

Ha d'essere mintuta 'n quarantana.

 Ma nu' me pare giustu, pardiana,

Mu mentre 'u core miu ti s'abbicina,

'U tue de  'ssa manèra s'alluntana.

   21 settembre 1939