Jiennu a ligna

    Ppe' ra via d'i Lupirtielli
Rusinella a lligna va.
A ra banna ha ddui fratielli
Unu cca e ll'àutru llà.


   Carru dice: - Si' 'nna fata!-
- Si' 'nna rosa! -'Ndria le fa.
Illa, rìsule, 'n'ucchiata
Sparte cca e sparte llà.
    A 'nna botta i quatrascùni,
Se 'mpucaru e llà ppe' llà,
Le scaccàru  ddue vasuni
Unu cca e ll'autru llà.
   Ma Rusina: - Lazzaruni!
E' ccussidi chi se fa?-
E lle deze ddui scaffuni
Unu cca e ll'autru llà.